Tzipi Hotovely
Tzipora (Tzipi) Hotovely, Hebreeus: צפורה (ציפי) חוֹטוֹבֵלי , (gebore 2 Desember 1978 in Rehovot) is 'n voormalige Israelse politikus wat aan die Likoed-party behoort. Sedert Augustus 2020 dien sy as Israel se eerste vroulike ambassadeur in die Verenigde Koninkryk.
| Tzipi Hotovely ציפי חוטובלי | |
 Tzipi Hotovely in 2018 | |
Minister van Gemeenskapssake
| |
| Ampstermyn 17 Mei 2020 – 2 Augustus 2020 | |
Minister van Diasporasake
| |
|---|---|
| Ampstermyn 21 Januarie 2020 – 17 Mei 2020 | |
Adjunk-minister vir Buitelandse Sake
| |
| Ampstermyn 19 Mei 2015 – 21 Januarie 2020 | |
Adjunk-minister vir Wetenskap, Tegnologie en Ruimte
| |
| Ampstermyn 29 Desember 2014 – 14 Mei 2015 | |
Adjunk-minister vir Vervoer en Verkeersveiligheid
| |
| Ampstermyn 19 Maart 2013 – 14 Mei 2015 | |
Lid van die Knesset
| |
| Ampstermyn 24 Februarie 2009 – 5 Julie 2020 | |
Persoonlike besonderhede
| |
| Gebore | 2 Desember 1978 Rehovot, Israel |
| Politieke party | Likoed |
| Kind(ers) | 3 |
| Alma mater | Bar-Ilan-Universiteit Tel Aviv-Universiteit |
| Religie | Judaïsme |
Van Februarie 2009 tot Julie 2020 was sy 'n lid van die Knesset gewees. Sy was die jongste verkose lid van die 18de Knesset gewees. In Maart 2013 was sy aangestel as 'n adjunk-minister in die Netanyahu III-kabinet. In Mei 2015 was sy aangestel as adjunk-minister vir buitelandse sake in die Netanyahu IV-kabinet. In Januarie 2020 was sy in dieselfde kabinet aangestel as minister van diasporasake. In die Netanyahu-Gantz-kabinet was sy van Mei tot Augustus 2020 minister van gemeenskapssake gewees.
Hotovely het in die regte studeer aan die Bar-Ilan-Universiteit en die Tel Aviv-Universiteit. Verder het sy aan twee seminaries Judaïsme gestudeer. As student was sy 'n lid van die Wêreldunie van Joodse studente (World Union of Jewish Students) gewees en het sy 'n byeenkoms van die WUJS in Suid-Afrika bygewoon. Sy het ook 'n byeenkoms van die Wêreld Bnei Akiva, die grootste Sionistiese jeugorganisasie, in Parys bygewoon.
Sedert 2006 skryf sy rubrieke vir die Maariv-koerant. Ook tree sy op in politieke debatte op die Israelse televisie.
Sy het 'n regs-Judaïstiese oortuiging en is teen die stigting van 'n Palestynse staat.[1] Haar verkryging van 'n setel in die Knesset het sy as goddelike voorsienigheid beskou.[2]
Tzipi Hotovely is getroud en het in Rehovot gewoon. Haar ouers kom uit Georgië.
Verwysings
wysig- ↑ (en) MK Hotovely’s Peace Plan:Israeli Sovereignty, Arab Rights, Aliya, Israel National News, 9 Maart 2010.
- ↑ (en) Tzipi Hotovely — Israel’s youngest politician stands up, The Jewish Star, 24 Maart 2010.
Eksterne skakels
wysig
Wikimedia Commons het meer media in die kategorie Tzipi Hotovely.- (he) (en) Amptelike webwerf
- (en) Tzipi Hotovely, Knesset-webwerf
- (en) Tzipi Hotovely, Deputy Minister of Foreign Affairs, lewensloop op die webwerf van die Israelse Ministerie van Buitelandse Sake.
.jpg)
