Likoed
Die Likoed (Hebreeus: הליכוד, uitspraak: 'lie-Koed', Afrikaanse betekenis: Eenheid) is 'n Israeliese politieke party van konserwatief-liberale oortuigings. Hulle is ook sekulêr-Sionisties, maar daar is 'n duidelike godsdienstig-Sionistiese invloed te bespeur.
| Likoed | |
| הליכוד | |
| |
| Leier | Benjamin Netanyahu |
|---|---|
| Gestig | 1973 (alliansie) 1988 (verenigde party) |
| Hoofkwartier | Metzudat Ze'ev, 38 King George Street, Tel Aviv, Israel |
| Ideologie | Nasionale liberalisme, Liberale konserwatisme, Revisionistiese Sionisme (histories) |
| Webblad | likud.org.il |
Geskiedenis
wysigLikoed is die belangrikste middelregse party[1][2] in Israel. Dit is in 1973 gestig deur Menachem Begin in 'n alliansie met verskeie regse en liberale partye. Likoed se oorwinning in die 1977-verkiesing was 'n belangrike keerpunt in die land se politieke geskiedenis, wat die eerste keer die linker krag verloor het. Daarbenewens was dit die eerste keer in Israel se geskiedenis dat 'n regse party die meerderheid stemme wen.[3] Maar, nadat hulle die land vir die meeste van die 1980's regeer het, verloor die party die Knessetverkiesing in 1992.
Nietemin wen Likoed se kandidaat, Benjamin Netanyahu, die meeste stemme vir Eerste Minister in 1996 en ontvang dus die taak vir die vorming van 'n regering ná die 1996-verkiesing. Na 'n oortuigende oorwinning in die 2003-verkiesing, tref 'n groot skeuring Likoed in 2005, toe die Likoedleier Ariel Sharon die party verlaat het om die nuwe Kadima-party te stig. Dit het gelei tot Likoed se val tot die vierde plek in die 2006-verkiesing.
Na die 2009-verkiesing, het die party meeste van sy verliese herower, en kon dit die Israelse regering vorm onder leiding van die eerste minister, Benjamin Netanyahu. In die 2013-verkiesing het die party 20 setels verower op 'n gesamentlike lys met Yisrael Beiteinu. In die 2015-verkiesing het die party selfstandig 30 setels verower. In die 2019-verkiesing het die party 35 setels behaal, in die 2021-verkiesing opnuut 30 setels en in die 2022-verkiesing 32 setels.
Leiers
wysigDie politieke leiers is:
- Menachem Begin (1973-1983)
- Yitzhak Shamir (1983-1993)
- Benjamin Netanyahu (1993-1999)
- Ariel Sharon (1999-2005)
- Benjamin Netanyahu (2005-nou)
Verwysings
wysig| Wikimedia Commons bevat media in verband met Likud. |
- ↑ "Israel PM faces dilemma after Likud lurches further right" (in Engels). 27 November 2012. Geargiveer vanaf die oorspronklike op 30 Augustus 2019.
- ↑ "Likud". Ynetnews (in Engels). 27 November 2012. Geargiveer vanaf die oorspronklike op 3 Maart 2014.
- ↑ Bsisu, N. (2012). "Israeli Domestic Politics and the War in Lebanon" (PDF). Lights: the MESSA Journal. 29. Besoek op 23 Maart 2013.
| Hierdie artikel is in sy geheel of gedeeltelik vanuit die Engelse Wikipedia vertaal. |
