U1.11
U1.11 is 'n groot kwasargroep wat in die sterrebeelde Leeu en Maagd geleë is. Dit is een van die grootste bekende kwasargroepe, met 'n geraamde maksimum deursnee van 2,2 miljard ligjare.[1]
Beskrywing wysig
Die struktuur is sowat 2° van die Clowes-Campusano-GKG geleë.[1] Sy rooiverskuiwing is 1,11, vandaar sy naam. Dit stem ooreen met 'n afstand van 8,8 miljard ligjare van hier.[1] Dit is ook redelik naby aan U1.54, nog 'n groot kwasargroep.[1] U1.11 bestaan uit 38 kwasars[1] en is in 2011 ontdek tydens die Digitale Sloan-lugopname. Tot met die ontdekking van die Groot GKG in November 2012, was dit die grootste bekende struktuur in die heelal, selfs groter as die Clowes-Campusano-GKG, wat 20 jaar die rekord gehou het.
Verwysings wysig
- ↑ 1,0 1,1 1,2 1,3 1,4 Clowes, Roger; Luis E. Campusano; Matthew J. Graham & Ilona K. S¨ochting (2012). "Two close Large Quasar Groups of size ∼ 350 Mpc at z ∼ 1.2". Monthly Notices of the Royal Astronomical Society. 419 (1): 556. arXiv:1108.6221. Bibcode:2012MNRAS.419..556C. doi:10.1111/j.1365-2966.2011.19719.x. S2CID 31553670.
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
