Utu (rolprent)
Utu is 'n Nieu-Seelandse prent van 1983 wat geregisseer is deur Geoff Murphy, wat ook die medeskrywer was. Van die akteurs is Anzac Wallace as Te Wheke, 'n stryder wat wraak soek nadat die Britse weermag sy volk vermoor het, Bruno Lawrence en Kelly Johnson. Dit is al beskryf as 'n "Maori-western" en het volgens berigte tot in daardie stadium een van die grootste begrotings van 'n Nieu-Seelandse prent gehad.
| Utu | |
|---|---|
| Regisseur | Geoff Murphy |
| Vervaardiger | Geoff Murphy |
| Draaiboek |
|
| Musiek deur | John Charles |
| Kinematografie | Graeme Cowley |
| Redigeerder | Michael J. Horton |
| Uitgereik | 1983 |
| Speeltyd | 104 minute |
| Land | Nieu-Seeland |
| Taal | Engels Maori |
| IMDb-profiel | |
Die rolprent is buite kompetisie vertoon op die Cannes-rolprentfees van 1983,[1] en was met sy uitreiking die tweede suksesvolste plaaslike rolprent in Nieu-Seeland. Positiewe resensies in Amerika het daartoe bygedra dat Murphy regisseurswerk in Hollywood gekry het.
Die prent is deels geïnspireer deur die Nieu-Seelandse oorlog bekend as Te Kooti's War en vertel die verhaal van 'n Maori-soldaat wat utu, of wraak, soek teen sy voormalige bondgenote nadat die Britse weermag sy tuisdorp verwoes en sy oom vermoor het. Die prent speel in die 1870's af.
Intrige wysig
Die prent speel op Noordeiland af tydens die Nieu-Seelandse Oorloë en volg die lewe van Te Wheke (Anzac Wallace), 'n Maori-kaptein in die Britse weermag. Toe Te Wheke se eenheid op 'n verwoeste dorp afkom, besef hy dit is sy tuisdorp, dros uit die weermag en organiseer 'n guerrillamag om die invallende Britse magte te terroriseer. Toe die eenheid die huis van Williamson (Bruno Lawrence) aanval en sy vrou vermoor, beloof Williamson dat hy Te Wheke sal vind en doodmaak. Intussen besluit twee ander weermaglede ook om Te Wheke te vind en hulle gebruik ook guerrilla-oorlogvoeringstegnieke.
Produksie wysig
Die vervaardiging van Utu was tot in daardie stadium een van die grootstes in Nieu-Seeland en was seldsaam in die konteks van die jong Nieu-Seelandse rolprentbedryf.[2] Wallace het net 'n bietjie ondervinding in televisie gehad voordat hy die rol van Te Wheke vertolk het.
Tydens die skiet van die prent was Murphy vasbeslote om alles so getrou as moontlik aan die tydperk te hou. Hy het baie Maori's as ekstras gebruik en om Te Wheke se moko realisties te laat lyk, het Anzac Wallace elke dag vier uur in die grimeerstoel deurgebring.[2]
Verwysings wysig
- ↑ "Festival de Cannes: Forbidden Relations". festival-cannes.com. Besoek op 22 Junie 2009.
- ↑ 2,0 2,1 Martin, Helen and Sam Edwards. New Zealand Film: 1912–1996. Oxford University Press, 1997, pp. 87–88.
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
