Vaidas Baumila
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Vaidas Baumila - meestal net Vaidas genoem - is een van Litaue se gewildste pop-sangers.
Vaidas Baumila | |
|---|---|
 | |
| Agtergrondinligting | |
| Gebore | 28 Maart 1987 Vilnius, Litaue |
| Genres | Pop, R&B, Soul |
| Beroep(e) | Sanger, TV-aanbieder |
| Instrumente | Stem |
| Jare aktief | 2005 — hede |
| Etikette | U-Sound |
Biografie
wysigReeds op die ouderdom van 17 jaar het Vaidas - destyds nog onder die verhoognaam Ozonas - as hip hop-sanger sukses behaal en is vir die Litause Radiocentras-musiekprys genomineer.
Sy groot deurbraak het in 2005 gekom toe hy in die gewilde realiteit-skou Dangus opgetree het. Toeskouers het van Vaidas se charismatiese sangstyl gehou, en sy dekking van die Litause lied Myliu was binnekort bo-aan die Litause trefferlys. Vaidas was 'n popster nog voordat hy sy hoërskool-loopbaan voltooi het.
In die volgende jaar het Vaidas een van die hoofrolle in die musiekblyspel Meilė ir bananai vertolk en is as televisie-aanbieder aangestel. Teen die einde van dié jaar is sy debuut-album vrygestel. Die langspeler met liedjies in Litaus en Engels is in samewerking met die bekende Litause R'n'B-musiekvervaardiger Linas Adomaitis en 'n aantal bekende popsangers opgeneem.
In 2007 is Vaidas se eerste musiekvideo Music Is My Soul vervaardig. Dit was een van die duurste produksies nog in die geskiedenis van die Litause vermaaklikheidsbedryf en was baie gewild op Litause televisiekanale.
Diskografie
wysig- Albums
- Ką tu mėgsti? (2006)
- Išklausyk (2007)