Vema is 'n ondersese bergspits in die mid-Atlantiese rif wat van noord na suid in die Atlantiese Oseaan loop. Dit is ongeveer 1 000 km wesnoordwes van Kaapstad, 750 km wes van Langebaan en by 31° 38' suiderbreedte en 8º 20' oosterlengte geleë. Sy piek staan amper 6 000 meter bo die seevloer, en is dalk so min as 20 m onder die seevlak.

Vema is in Atlantiese Oseaan
Vema
Vema
Ligging van Vema in die Atlantiese Oseaan

Waarskynlik was hierdie rustende vulkaankegel 10 000 jaar gelede 'n eiland. Sy besondere steil helling van 1:4 veroorsaak sterk seestrome rondom die piek en bring koue water uit die diepsee na die hoër dele van die see. Dit laat seegras welig groei en skep 'n ideale habitat vir die seelewe. Dus is dit goeie visvanggebiede.

In 1957 en weer in 1959 het die navorsingsvaartuig Vema van die Universiteit van Columbia die bestaan van die “eiland” waargeneem. Die skip Robert D. Conrad is in 1963 daarheen en in November 1964 het die Suid-Afrikaanse Instituut vir Oseanografiese Navorsing die skip Emerson K gestuur om die presiese posisie daarvan te bepaal.

Lees ook wysig

Bibliografie wysig

  • www.mountvema.com
  • www.vemaseaumount.com