Langebaan
Langebaan is een van die snelgroeiendste kusdorpe in Suid-Afrika, sowat 120 km noord van Kaapstad en sowat 15 km suidoos van Saldanha aan die Langebaan-strandmeer in die munisipale gebied Saldanhabaai geleë. Die dorp is in die landdrosdistrik Hopefield geleë. Vanaf vroeg 2007 sit die hof elke Dinsdag ook op Langebaan in die veeldoelige gemeenskapsentrum.
Langebaan | |
|---|---|
  Langebaan Langebaan se ligging in Wes-Kaap | |
| Koördinate: 33°5′30″S 18°2′0″O / 33.09167°S 18.03333°O | |
| Land |  Suid-Afrika |
| Provinsie | Wes-Kaap |
| Distrik | Weskus |
| Munisipaliteit | Saldanhabaai |
| Oppervlak | |
| • Totaal | 20,17 km2 (7,79 vk. myl) |
| Bevolking (2011)[1] | |
| • Totaal | 8 297 |
| • Digtheid | 411/km2 (1 060/vk. myl) |
| Rasverdeling (2011) | |
| • Wit mense | 56.0% |
| • Indiërs/Asiërs | 0.5% |
| • Bruin mense | 34.7% |
| • Swart mense | 7.4% |
| • Ander | 1.4% |
| Taal (2011) | |
| • Afrikaans | 76.2% |
| • Engels | 19.2% |
| • Xhosa | 1.3% |
| • Ander | 3.3% |
| Poskode (strate) | 7357 |
| Poskode (posbusse) | 7357 |
| Skakelkode | 022 |
| Webwerf | http://www.saldanhabay.co.za |
Geskiedenis
wysigDie eerste persoon wat hom hier gevestig het was 'n matroos, William Smith, wie se afstammelinge nog steeds hier woon. In die 1820's het lord Charles Somerset 'n jaghut gebou op die plaas Oostewal. Die dorp is op die plaas Geitenmelksfontein ('Bokmelkfontein') gestig in 1870.
Die dorp Langebaan is in 1922 gestig en tot die 1960's was die walvisstasie by Donkergat in gebruik.[2]
Wapen
wysigLangebaan se munisipale raad het in 1978 'n wapen by die Buro vir Heraldiek geregistreer: In goud, 'n keper van rooi belaai met drie heraldiese fonteine, in die skildhoof vergesel van twee galeie met seile ingehaal, alles van blou, vlae en wimpels wapperend van rooi, en in die skildvoet van 'n swemmende dolfyn in blou. Die helmteken was 'n blou skulp en die wapenspreuk "E mare tranquillitas".[3]
Besienswaardighede
wysigDie dorp se hoofaantrekkings buiten die meer is die nabygeleë Weskus- Nasionale Park, watersport, veldblomme in die lente en Club Mykonos, 'n kasino en vakansie-oord in Griekse styl.
Voëlkykers besoek die gebied om meer as 300 spesies voëls in die strandwater van die Weskus- Nasionale Park te sien. Die park is die besigste gedurende die lenteblomseisoen (Augustus tot September) as die wilde blomme in bloem.[2] Walvisse kan gedurende Oktober en November gesien word.
Bevolking
wysigVolgens die 2011-sensus het Langebaan 8 300 inwoners gehad. Na raming is 56% van die inwoners wit en oor die algemeen welgesteld.
Opvoeding
wysigLangebaan het een staatskool, die Primêre Skool Langebaan, asook 'n privaat laerskool, Topolino, en 'n privaat, gekombineerde skool, Curro, wat in 2007 met onderrig begin het.
Galery
wysig-
Langebaan is 'n gewilde vakansie-bestemming -
Langebaan, vanaf die Weskus- Nasionale Park gesien -
Langebaan lê aan 'n strandmeer -
Die Weskus- Nasionale Park lê net suid van Langebaan
Sien ook
wysigBronne
wysig- Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
- Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
Verwysings
wysig- ↑ 1,0 1,1 1,2 1,3 "Hoofplek Langebaan". Sensus 2011.
- ↑ 2,0 2,1 Welcome to Langebaan!. www.langebaaninfo.co.za. URL besoek op Junie 19, 2010.
- ↑ National Archives of South Africa: Data of the Bureau of Heraldry.
Eksterne skakels
wysig| Wikimedia Commons bevat media in verband met Langebaan. |
- Langebaan wind en weer Geargiveer 3 Februarie 2014 op Wayback Machine