Venus (mitologie)

Venus is die Romeinse godin van onder meer die liefde, skoonheid, begeerte, seks, vrugbaarheid, vooruitgang en oorwinning. Sy was die moeder van die Romeinse volk deur haar seun, Aeneas, wat die val van Troje oorleef en na Italië gevlug het. Julius Caesar het beweer hy stam van haar af.

Venus
Romeinse godin
Venus op ’n skulp, voor 79 n.C. (uit die Casa di Venus, Pompeji).
Venus op ’n skulp, voor 79 n.C. (uit die Casa di Venus, Pompeji).
Naam Venus
Godin van Liefde, skoonheid, begeerte, seks, vrugbaarheid, oorwinning
Vader Caelus
Seun Aeneas
Griekse eweknie  Afrodite

Die Romeine het die mites en ikonografie van haar Griekse eweknie, Afrodite, oorgeneem vir die Romeinse kuns en letterkunde. In die latere klassieke tradisie van die Weste het Venus een van die bekendste godinne uit die Grieks-Romeinse mitologie geword as die verpersoonliking van die liefde en seksualiteit.