Vlag van Belize

Die nasionale vlag van Belize is op 21 September 1981 amptelik in gebruik geneem. Die vlag vertoon ’n vertikale tweekleur in drie bane in (van bo na onder) rooi, blou en rooi. Die blou baan is heelwat breër as die rooi bane en in die middel daarvan is ’n wit skryf met die wapenskild van Belize.

Vlag van Belize

Vlag van Belize
Gebruik	Nasionale vlag en vaandel
Verhouding	2:3
Goedgekeur	21 September 1981
Ontwerp	’n Vertikale tweekleur in drie bane van rooi, blou en rooi met die land se wapenskild op ’n wit skyf in die blou baan.

Simboliek

Die vlag is die simbool van die eenheid van Belize. Die nasionale leuse, Sub umbra floreo ("Ek floreer in die skadu"), staan ook op die vlag.

Ontwerp

Die vlag van Belize bevat twaalf kleure, wat uniek is vir ’n nasionale vlag: dit is drie meer as die volgende meeste. Belize se vlag is ook die enigste van ’n land waarop mense voorgestel word (op die vlae van Montserrat en die Britse Maagde-eilande, word ook mense voorgestel maar dit is Britse afhanklike gebiede).

Ander vlae

• 
  Vlag van Brits-Honduras, 1919 tot 1981 (’n soortgelyke vlag is gebruik tussen 1870 en 1919)
• 
  Nie-amptelike vlag van Belize, 1950 tot 1981 (hierdie vlag is die basis vir die huidige vlag)
• 
  Die vlag van die goewerneur van Brits-Honduras voor 1981 was soos hierdie een met die wapenskild in die middel
• 
  Vlag van die goewerneur van Belize, 1981 tot huidig

Eksterne skakels

• (en) Belize by Flags of the World.
• (en) "Flag of Belize". Encyclopædia Britannica. Besoek op 22 Mei 2019.

Hierdie artikel is in sy geheel of gedeeltelik vanuit die Nederlandse Wikipedia vertaal.