Vlag van Broenei
Die nasionale vlag van Broenei is op 29 September 1959 amptelik in gebruik geneem. Die vlag vertoon twee parallelogramme in wit bo en swart onder van die skildhoek na onder in die wapperkant op ’n geel baan. In die middel is embleem van Broenei in rooi.
 |
|
| Gebruik | Burgerlike- en Staatsvlag en Burgerlike vaandel  |
|---|---|
| Verhouding | 1:2 |
| Goedgekeur | 29 September 1959[1] |
| Ontwerp | Twee parallelogramme in wit bo en swart onder van die skildhoek na onder in die wapperkant op ’n geel baan. In die middel is embleem van Broenei in rooi. |
Simboliek
wysigDie geel stel die Sultan van Broenei voor. In Suidoos-Asië is geel tradisioneel die koninklike kleur en die koninklike standaarde van Maleisië en Thailand, asook die vlag van Sarawak en die presidensiële vlag van Indonesië gebruik ’n geel baan.
Die embleem bestaan uit ’n sekelmaan (wat Islam voorstel) wat met ’n sambreel (wat monargie voorstel) saamgesmelt is saam met twee hande weerskante wat opwaarts wys (wat die welwillendheid van die regering voorstel). Onder die sekelmaan is ’n lint. Op die sekelmaan en lint is Arabiese inskripsies wat vertaal word as Staat van Broenei, Woning van vrede en Broenei se leuse Altyd in diens met God se leiding.
Die swart en wit parallelogramme stel Broenei se hoofministers voor.
Geskiedenis
wysigDie vlag in sy huidige vorm, behalwe vir die embleem, is sedert 1906 in gebruik toe Broenei ’n Britse protektoraat geword het na die ondertekening van ’n ooreenkoms tussen Broenei en Groot-Brittanje.
Die embleem is in 1959 op die vlag gesuperponeer na die promulgasie van die Grondwet van 29 September 1959.[2]
Die ontwerp is behou toe die land op 1 Januarie 1984 volle afhanklikheid verkry het en as Brunei Darussalam (Staat van Broenei, Woning van Vrede).
-
Vlag van die Sultanaat (later protektoraat) van Broenei tot 1906 -
Vlag van die Protektoraat van Broenei, 1906 tot 1959
Ander vlae
wysig-
Vlag van Broenei se Verdedigingsmag -
Vlootvaandel van Broenei -
Vlootvaandel van Broenei, 1984 tot laat 1990’s -
Lugmagvaandel van Broenei -
Vlag van die Broeneise Polisiemag
.svg)
Persoonlike standaarde
wysigSy Majesteit die Sultan het ’n persoonlike standaard in geel waarop die koninklike embleem op ’n rooi agtergrond in die middel van die standaard is.[3]
Die standaard van Haar Majesteit die Raja Isteri is liggeel met die koninklike embleem op ’n rooi agtergrond in die middel van die standaard.
Die Perdana Wazir het ook ’n persoonlike standaard wat deur Sy Majesteit die Sultan aan hom toegeken is. Die standaard is gesuperponeerde wit in die middel van die vlag met die koninklike embleem in liggeel. Die embleem word ondersteun deur “Si Kikil”, ’n kris wat met sy skede gekruis is.
Die persoonlike standaarde van die Pengiran Bendahara, Pengiran Digadong, Pengiran Pemancha en Pengiran Temenggong is onderskeidelik wit, groen, swart en rooi.
Die Sultan het ook persoonlike vlae aan laer amptenare, bekend as die Pengiran Cheteria, toegeken asook aan Pengiran en ander onderdane. Onder die Pengiran en hoogwaardigheidsbekleërs wat gemagtig is om persoonlike standaarde te gebruik, is:
- afstammelinge van die Sultan tot in die vierde geslag,
- afstammelinge van Wazir tot in die derde geslag,
- afstammelinge van Cheteria tot in die tweede geslag,
- Menteri tot by Damong.
Hul persoonlike standaarde inkorporeer die koninklike embleem in rooi op ’n geel agtergrond in die vlag se skildhoek.
Verwysings
wysig- ↑ "Broenei" (in Engels). Flags of the World. Geargiveer vanaf die oorspronklike op 18 Oktober 2001. Besoek op 27 Mei 2019.
- ↑ (en) "The Brunei Darussalam State Flag". Information Department, Prime Minister's Office. Besoek op 23 Maart 2012.[dooie skakel]
- ↑ (en) "The Brunei Darussalam State Flag - Page 2". Information Department, Prime Minister's Office. Besoek op 23 Maart 2012.[dooie skakel]
Eksterne skakels
wysig| Wikimedia Commons bevat media in verband met Vlae van Broenei. |
- (en) Broenei by Flags of the World.
- (en) "Flag of Brunei". Encyclopædia Britannica. Besoek op 27 Mei 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
