Vlag van Tokelau

Die vlag van die Tokelau, amptelik deel van Nieu-Seeland, is op 7 September 2009 in gebruik geneem. Die vlag van Nieu-Seeland word amptelik op die eiland gebruik. Die vlag vertoon ’n enkele blou baan met ’n geel gestileerde kano onder seil en ’n Suiderkruismotief in vier vyfpuntige sterre aan die vlagpaalkant.

Vlag van Tokelau

Vlag van Tokelau
Gebruik	Burgerlike- en Staatsvlag
Verhouding	1:2
Goedgekeur	7 September 2009
Ontwerp	’n Enkele blou baan met ’n geel gestileerde kano onder seil en ’n Suiderkruismotief in vier vyfpuntige sterre aan die vlagpaalkant.

Voorstel van 1989

’n Alternatiewe en nie-amptelike vlag is opgemerk. Die drie sterre in hierdie vlag stel die drie atols wat Tokelau opmaak, voor.

Voorstel van 2007

In Junie 2007 het die streeksparlement (Algemene Fono) ’n besluit geneem oor die toekoms van die vlag, lied en nasionale simbool van Tokelau. Die voorgestelde vlag het ’n gestileerde Polinesiese kano en vier sterre uitgebeeld. Die sterre stel die drue hoofeilande en Swainseiland wat deur die VSA (Amerikaans-Samoa) geadministreer word maar wat deur Tokelau opgeëis word. Aangesien die vereiste supermeerderheid nie in 2007 behaal is vir selfregering nie, is die vlag nie amptelik aanvaar nie.

Finale voorstel van 2008

In Mei 2008 het die Algemene Fono die finale weergawes van die nasionale simbole van Tokelau goedgekeur. Die goedgekeurde vlagontwerp is gebaseer op die 2007-voorstel met klein veranderinge aan die plasing van die sterre in ’n Suiderkruisformasie eerder as ’n geografiese voorstelling van die eilande. ’n Nasionale embleem is ook goedgekeur.

Koninklike goedkeuring in 2009

Die Goewerneur-generaal het op 7 September 2009 die vlag aan die Ulu ingedien as Tokelau se eerste amptelike vlag. ’n Amptelike bekendstelling van die nuwe vlag is vir Oktober 2009 beplan.

Ander vlae

• 
  Vlag van Nieu-Seeland
• 
  Voorstel vir ’n vlag gedurende die 1980’s
• 
  Rekonstruksie van die 2007-vlag

Eksterne skakels

• (en) Tokelau by Flags of the World.