Flitspunt

Die flitspunt of vlampunt van 'n chemiese stof is die laagste temperatuur waarby die stof genoeg damp afgee om te ontbrand wanneer dit in kontak kom met die suurstof van die lug en 'n ontstekingsbron.

Verbranding van 'n stof.

Die flitspunt moet nie verwar word met die selfontbrandingstemperatuur nie. Hierdie temperatuur is die temperatuur waarby 'n damp/lug-mengsel spontaan sal ontbrand.

Die flitspunt is 'n aanduiding van hoe geredelik 'n vonk of gloeiende voorwerp 'n brand in teenwoordigheid van die stof sal laat ontstaan.

Voorbeelde

Eter het 'n flitspunt van -45 °C. Selfs as dit in 'n koelkas bewaar word, kan voldoende damp vrygestel word om 'n ontploffing te veroorsaak. Die damp kan ontbrand deur 'n vonk van die skakelaar wat die lampie bedien. Eter moet daarom in 'n koelkas gehou word wat bestand is teen ontploffings en waarin alle elektriese onderdele afgeskerm is.

Andere stowwe:

• asetoon: -19 °C
• petrol: tussen 21 °C en 55°C
• 70% etanol: 21 °C
• metanol: 11 °C

Diesel het 'n hoër flitspunt as petrol en is daardeur minder gevaarlik. Dié verskil is belangriker as die ventilasiemoontlikhede beperk is, soos by enjins wat in bote ingebou is.