Metanol

Metanol ook bekend as metielalkohol (of vroër as "houtgees"), is 'n chemiese verbinding met die chemiese formule CH₃OH. Dit is die eenvoudigste alkohol en is 'n ligte, vlugtige, vlambare en giftige vloeistof met 'n kenmerkende reuk wat minder skerp en soeter is as dié van etanol. By kamertemperatuur is dit 'n polêre vloeistof wat gebruik kan word as teenvriesmiddel, oplosmiddel, brandstof en 'n middel om etanol ondrinkbaar te maak. Dit word ook gebruik in die vervaardiging van biodiesel deur middel van die transesterifikasieproses.

Eienskappe

Algemeen
Naam	Metanol
Struktuurformule van
Chemiese formule	CH3OH
Molêre massa	32.04 g/mol
CAS-nommer	67-56-1
Voorkoms	kleurlose vloeistof
Fasegedrag
Smeltpunt	176 K (–97 °C)
Kookpunt	337.8 K (64.7 °C)
Digtheid	0.7918 g/cm³
Mengbaarheid	water
Oplosbaarheid
Viskositeit	0.59 mPa·s teen 20 °C
Henry se konstante	2,04(12) x 10+2 [L/mol.atm] 5400 [K]
Suur-basis eienskappe
pKa	~ +15.5 (H+ van -OH groep)
Veiligheid
Flitspunt	11 °C
Selfontbrandingspunt	464 °C
Tensy anders vermeld is alle data vir standaardtemperatuur en -druk toestande.
Portaal Chemie

Vervaardiging

Die vervaardiging van metanol vereis ‘n katalisator. Van die katalisators is CuO/ZnO/Cr₂O₃, CuO/ZnO/Al₂O₃ en CuO/ZnO. Die temperatuur is gewoonlik tussen 200-350 °C en die druk tussen 40 – 250 Atm. Die chemie van die vervaardiging van metanol kan eenvoudig geskryf word as ‘n hidorgenasie van koolstofmonoksied:

$CO+2H_{2}\to CH_{3}OH$

Maar hierdie eenvoud is bedrieglik. Daar word in die chemiese nywerheid altyd ook CO₂ bygevoeg en oor die rol daarvan is geen ooreenstemming onder navorsers nie. Daar is vier belangrike reaksies:

$CO_{2}+3H_{2}\to CH_{3}OH+H_{2}O$ CO₂- hidrogenasie

$CO_{2}+H_{2}\to CO+H_{2}O$ – watergasreaksie

$CO+2H_{2}\to CH_{3}OH$ – CO – hidrogenasie

$2CO\to CO_{2}+C$ – Boudouard-reaksie

Daar is wetenskaplikes wat dink dat net die CO₂- hidrogenasie tot metanol lei, maar daar is geen ooreenstemming daaroor nie. Die Boudouard-reaksie kan die katalisator vervuil, of -indien dit in die omgekeerde rigting verloop- skoonhou.

Sien ook

• lys van oplosmiddels