Vliegtuigontvoering 'Landshut'

Die Landshut, was 'n Duitse Lufthansa-vliegtuig wat op 13 Oktober 1977 tydens vlug LH181 vanaf Palma de Mallorca, Spanje, na Frankfurt am Main, Duitsland, deur die Rote Armee Fraktion geskaak is. Die skaking was deel van 'n reeks gebeure wat as die Duitse Herfs bekend staan. Die kaptein, Jürgen Schumann, is in Aden (Jemen) deur die terroriste doodgeskiet en uit die vliegtuig gegooi.

Aankoms van die GSG 9 en die gyselaars op die vliegveld van Bonn, 18 Oktober 1977

Op 18 Oktober 1977 is al die ander 86 gyselaars deur 'n Duitse spesiale eenheid GSG 9 onbeseer bevry; slegs 'n enkele terroris (van vier - 2 mans en 2 vroue) aan boord oorleef die insident.

Deur die sukses van die operasie word die tot-hede-onbekende Duitse spesiale eenheid, GSG 9, skielik internasionaal bekend.

Die vliegtuig, 'n Boeing 737-230C met die reeksnommer 20254-230 en die Duitse kenteken D-ABCE, was tot 1985 in die Duitse lugdiens Lufthansa se diens en doen later by verskeie instansies in Indonesië en Maleisië diens, laastens by die Brasiliaanse lugdiens TAF Linhas Aéreas as 'n vragvliegtuig onder die kenteken PT-MTB. Die naam "Landshut" word nog steeds deur Lufthansa gebruik vir 'n Airbus A330.

Om die Britse regering te bedank vir hulle ondersteuning, het die Wes-Duitse regering hulle eie voorstel van die beplande kernfusie-eksperiment, "Joint European Torus", in Garching by München op die perseel van die Max Planck-instituut vir plasmafisika te bou, teruggetrek en eerder tot die Britse voorstel in Culham ingestem.

Uiteindelike roete

Die uiteindelike roete van vlug 181 (Duits)

Verfilming

In Augustus 2007 het bekend geword, dat die eerste Duitse TV-Kanaal ARD die Drama op die Landshut sal verfilm. Vir die TV-film Mogadishu Welcome, met uitsending wat vir 2008 beplan is, is die akteurs Thomas Kretschmann as loods Jürgen Schumann, Christian Berkel in die rol van die bondskanselier Helmut Schmidt asook Nadja Uhl as lugwaardin Gabriele Dillmann en Jürgen Tarrach as Hans-Jürgen Wischnewski gekontrakteer. Die rol van die medevlieënier van die Landshut, Jürgen Vietor is deur Simon Verhoeven vertolk.