Voëlvleidam
Die Voëlvleidam is geleë in die Wes-Kaap, Suid-Afrika. Oorspronklik is die dam gebou deur die natuurlike meer van die Vogelvlei op te dam en is voltooi gedurende 1952. Die Voëlvleidam was toe die eerste groot watervoorsieningskema in die Bergrivier opvanggebied. Omrede die oorspronklike meer se opvangsgebied baie klein was, is die dam gevoed met 'n kanaal vanaf die Klein-Bergrivier met 'n vermoë van 1,3 miljoen m3 per dag.
| Voëlvleidam | |
|---|---|
 | |
| Amptelike naam | Voëlvleidam |
| Ligging | Wes-Kaap |
| Provinsie/Land | Suid-Afrika |
| Koördinate | 33°20′15″S 19°02′01″O / 33.33750°S 19.03361°O |
| Dam in | Voëlvleirivier |
| Doel | Huishoudelik |
| Openingsdatum | 1952 |
| Hoogte van wal | 18 m |
| Bakmaat | 158,6 miljard liter (vroeg in 21ste eeu) |
Die dam verskaf water aan Riebeek-Kasteel, Riebeek-Wes, Malmesbury, Darling en Moorreesburg.
Gedurende 1969 het Kaapstad se vraag na water gestyg en die wal is verhoog tot 18 m. Die Klein-Bergrivierkanaal se vermoë is vergroot tot 1,7 miljoen m3 per dag. Die voorsiening van water aan die Voëlvleidam is verhoog gedurende 1971 met 'n kanaal vanaf die Vier-en-twintig Riviere en Leeurivier met 'n vermoë van 2,9 miljoen m3 per dag.[1]
Die dam is 6 km suid van Gouda. Die dam is bekend vir sy groot voëlbevolking.[2]
In 1724 is die plaas Vogel Valleij hier aan Abraham de Klerk toegeken.
Sien ook
wysigVerwysings
wysig- ↑ Dept. of Water Affairs. - www.dwa.gov.za
- ↑ Op Pad in Suid-Afrika. B.P.J. Erasmus 1995. ISBN 1-86842-026-4