Klein-Bergrivier
Die Klein-Bergrivier is die belangrikste sytak van die Groot-Bergrivier.
Hierdie rivier ontspring in die berge rondom Tulbagh en in die rigting van Wolseley. Die waterskeiding tussen hierdie rivier en die Breederivier lê in die dorp Wolseley. Daarna loop dit noord en vloei dan deur Nuwekloofpas. Op die plaas Mond van de Kleine Bergrivier, amper halfpad tussen Porterville en Riebeek-Wes sluit dit by die Groot-Bergrivier aan. Dit is nagenoeg by 33° 13′ suid en 18° 57′ oos, net suid van Halfmanshof en Vier-en-twintig Riviere en ook net wes van Saron en die R44-streekroete en noordwes van Gouda.
Bibliografie
wysig- Standard Encyclopaedia of Southern Africa, deel 2. Kaapstad: Nasou, 1970.