Wolseley
Wolseley is 'n dorp in die Kaapse Wynland-distriksmunisipaliteit van die Wes-Kaap, Suid-Afrika. Die dorp is 15 km suid van Tulbagh.
Wolseley | |
|---|---|
  Wolseley Wolseley se ligging in Wes-Kaap | |
| Koördinate: 33°24′47″S 19°12′06″O / 33.41306°S 19.20167°O | |
| Land |  Suid-Afrika |
| Provinsie | Wes-Kaap |
| Distrik | Kaapse Wynland |
| Munisipaliteit | Witzenberg |
| Oppervlak | |
| • Totaal | 5,0 km2 (1,9 vk. myl) |
| Hoogte | 260 m (850 ft) |
| Bevolking (2011)[1] | |
| • Totaal | 12 130 |
| • Digtheid | 2 426/km2 (6 280/vk. myl) |
| Rasverdeling (2011) | |
| • Wit mense | 8.0% |
| • Indiërs/Asiërs | 0.3% |
| • Bruin mense | 73.9% |
| • Swart mense | 16.0% |
| • Ander | 1.8% |
| Taal (2011) | |
| • Afrikaans | 84.0% |
| • Xhosa | 8.9% |
| • Sotho | 3.3% |
| • Engels | 1.6% |
| • Ander | 2.2% |
| Poskode (strate) | 6830 |
| Skakelkode | 023 |
Geskiedenis
wysigWolseley is in 1875 op die plaas Goedgevonden gestig en na sir Garnet Wolseley, aangewese goewerneur van Natal en opperbevelvoerder van die Britse magte, vernoem. Die spoorlyn vanaf Kaapstad het Wolseley in 1876 bereik en die taklyn na Ceres is in 1876 voltooi.
Wolseley is in 1955 tot munisipaliteit geproklameer.
Wapen
wysigWolseley se munisipale raad het in 1955 'n wapen aangeneem en by die Kaapse Provinsiale Administrasie geregistreer : In rooi, 'n silwer paal belaai met 'n tros blou druiwe, in die skildhoof en skildvoet groen geblaar, aan weerskante vergesel van 'n besant; 'n groen golwende skildhoof. Die helmteken was 'n swart wolfskop uitkomend uit 'n goue muurkroon, en die wapenspreuk was "Viridis et fructifera".[2] Ivan Mitford-Barberton het die wapen ontwerp.
Die wapen is in 1996 gewysig deur die skildhoof van groen na blou te verander en met drie silwer waterdruppels te belaai, en toe by die Buro vir Heraldiek geregistreer.[3]
Omgewing
wysigSagtevrugteboerdery word in die omgewing bedryf terwyl suiwel, bees- en skaapsboerdery ook beoefen word. Die eerste wolwassery in die land is by Wolseley gebou, en in 1936 is 'n aanleg vir die verpakking van vrugte gebou. Die dorp is ook beskadig in die aardbewing van 29 September 1969 wat Tulbagh getref het.
Sien ook
wysigBronne
wysig- Op Pad in Suid-Afrika. B.P.J. Erasmus 1995. ISBN 1-86842-026-4
- Padlangs deur Suid-Afrika. 2009. ISBN 978-1-77007-751-5
Verwysings
wysig- ↑ 1,0 1,1 1,2 1,3 Som van die hoofplekke Wolseley, Pine Valley en Montana Sensus 2011.
- ↑ Kaap die Goeie Hoop Offisiële Koerant 2776 (23 September 1955).
- ↑ National Archives of South Africa: Data of the Bureau of Heraldry.