Vologases III van Partië
Vologases III (𐭅𐭋𐭂𐭔, Walagash) was van 110 tot 147 koning van konings van die Partiese Ryk. Hy was die seun en opvolger van Pakoros II.[1]
| Vologases III 𐭅𐭋𐭂𐭔 | |
|---|---|
| Koning van konings | |
,_Seleucia_mint.jpg) 'n Muntstuk van Vologases III wat in 121/'22 in Seleukië gemunt is. | |
| Koning van die Partiese Ryk | |
| Heerskappy | 110-147 |
| Voorganger | Pakoros II Osroes I (mededinger) Mitridates V (mededinger) |
| Opvolger | Vologases IV |
| Oorlede | 147 |
| Dinastie | Arsakiede |
| Vader | Pakoros II |
| Religie | Zoroastrisme |
Vologases III se bewind is gekenmerk deur 'n burgeroorlog. Met sy troonbestyging moes hy met die troonrower Osroes I afreken.[2] Dié het daarin geslaag om die westelike deel van die ryk in te palm, terwyl Vologases III in beheer van die oostelike deel was.[1][3] Nadat Osroes I die Verdrag van Rhandeia met die Romeinse Ryk verbreek het deur Partamasiris in 113 as nuwe koning van Armenië aan te stel,[1][4] het die Romeinse keiser Trajanus Partië binnegeval en vir 'n kort ruk beslag gelê op Partiese stede soos Seleukië en Ktesifon tot so ver as die Persiese Golf.[5] Die Romeine het dit egter gou ná Trajanus se dood in 117 weer verloor.
Vologases III, wie se oostelike gebiede nie geraak is nie, het van die situasie gebruik gemaak om Osroes I eindelik in 129 te verslaan.[3][2] Nog 'n mededinger, Mitridates V, het daarna sy verskyning gemaak,[6] maar is ook deur Vologases III verslaan, in 140.
Vologases III is in 147 deur Mitridates V se seun Vologases IV opgevolg.[2][3]
Verwysings wysig
- ↑ 1,0 1,1 1,2 Dąbrowa 2012, p. 176.
- ↑ 2,0 2,1 2,2 Dąbrowa 2012, pp. 176, 391.
- ↑ 3,0 3,1 3,2 Gregoratti 2017, p. 133.
- ↑ Chaumont 1986, pp. 418–438.
- ↑ Dąbrowa 2012, p. 176; Gregoratti 2017, p. 133
- ↑ Dąbrowa 2012, p. 391.
Bronne wysig
- Dąbrowa, Edward (2012). "The Arsacid Empire". In Daryaee, Touraj (red.). The Oxford Handbook of Iranian History. Oxford University Press. pp. 1–432. ISBN 978-0-19-987575-7. Geargiveer vanaf die oorspronklike op 1 Januarie 2019. Besoek op 13 Januarie 2019.
- Gregoratti, Leonardo (2017). "The Arsacid Empire". In Daryaee, Touraj (red.). King of the Seven Climes: A History of the Ancient Iranian World (3000 BCE - 651 CE). UCI Jordan Center for Persian Studies. pp. 1–236. ISBN 9780692864401.
- "Balāš". Encyclopaedia Iranica, Vol. III, Fasc. 6. (1988). 574–580.
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Pakoros II |
Vologases III | Opvolger Vologases IV → |