Vought F7U Cutlass
Die Vought F7U Cutlass is 'n vegvliegtuig wat ontwerp is vir vliegdekskepe en is gebruik deur die Amerikaanse Vloot. Die spesifikasie, uitgereik deur die Amerikaanse Vloot, het 'n vegvliegtuig wat 965 km/h (600 mph) kan bereik gespesifiseer. Die vliegtuig het nie stertvlerke nie, slegs hoofvlerke. Daar is wel twee stertvinne. Hierdie ontwerp is beïnvloed deur werk gedoen deur die Duitse Arado-maatskappy. Die vlerke is amper deltavormig met 'n hoek van 38°.
| Vought F7U Cutlass | |
|---|---|
.jpg) | |
| Tipe | Vegvliegtuig |
| Vervaardiger | Vought |
| Ontwerp deur | Rex Beisel |
| Nooiensvlug | 29 September 1948 |
| Bekendstelling | 1951 |
| Onttrek | 2 Maart 1959 |
| Status | Onttrek |
| Hoofgebruiker | Amerikaanse Vloot |
| Vervaardig | 1948–1955 |
| Aantal gebou | 320 |
Die Cutlass is die Amerikaanse Vloot se eerste produksie supersoniese vliegtuig. Van die eerste model, F7U-1, was slegs veertien gebou en hulle was hoofsaaklik gebruik vir toetswerk en opleiding. Die vliegtuig het baie instandhoudingswerk vereis en het 'n hoë ongeluk voorkoms gehad, tog was hulle gewild onder die vlieëniers. Hulle kon gravitasie kragte van tot 16 G ondervind tydens intense duikvlugte met die vliegtuig.
Model F7U-3 was in diens gestel in 13 Eskaders in die Vloot en Marinierskorps. Hierdie model was in wese 'n nuwe ontwerp, die romp en vlerke was versterk. Meer paneel deksels en deurtjies was toegevoeg om instandhouding tye te verkort. Die neus was ook herontwerp, om uitsig vir die vlieënier te verbeter en ook omrede die neuswiel verleng en versterk was. Hierdie model was in diens gestel in 1954.
Model F7U-3M was toegerus om vier laser geleiding Sparrow lug-tot-lug missiele te kan dra. Die meeste van die vliegtuie was onttrek aan diens in 1956/7. Model F7U-3 het net so hoë ongevalle voorkoms gehad met 25% van alle vliegtuie wat verlore gegaan het in ongelukke.
Tegniese besonderhede
wysig| Item | Statistiek |
|---|---|
| Aantal motore | 2 |
| Tipe motor | Straalmotor |
| Vervaardiger | Westinghouse J46-WE-8A met nabrander, turbostraal |
| Kraglewering per motor | 2 767 stukrag |
| Vlerkspan | 12,09 m |
| Lengte | 13,13 m |
| Hoogte | 4,46 m |
| Vlerkoppervlakte | 46,08 m2 |
| Maks. opstygmassa | 14 353 kg |
| Maks. snelheid | 1 094 km/h |
| Operasionele hoogte | 12 190 m |
| Togafstand | 1 062 km |
| Klimvermoë | 3 960 m per minuut |
| Bewapening | Vier 20.0 mm kanonne, plus hangers vir missiele onder die vlerke. |
Sien ook
wysigBron
wysig- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9