Vuurseekastaiing

Die Vuurseekastaiing (Astropyga radiata) is 'n seekastaiing wat in die westelike Stille Oseaan asook die Indiese Oseaan voorkom, meer spesifiek die kus van Oos-Afrika tot by die noorde van KwaZulu-Natal. Die kastaiing word tot 200 mm groot en is 'n groot spesie. Die kleur kan wissel van geel tot rooi tot donkerbruin. Die stekels is buitengewoon lank. Die v-vormige spasies tussen die stekels is gewoonlik oranje met helder blou kolletjies wat strek van die mond tot by die anus.

Vuurseekastaiing
'n Groepie Astropyga radiata te sien in Kenia.
Wetenskaplike klassifikasie
Koninkryk:	Animalia
Filum:	Echinodermata
Klas:	Echinoidea
Superorde:	Echinacea
Orde:	Diadematoida
Familie:	Diadematidae
Genus:	Astropyga
Spesie:	A. radiata
Binomiale naam
Astropyga radiata (Leske, 1778)
Sinonieme
Asteropyga radiata Astropyga elastica Bell, 1876 Astropyga freudenbergi Sarasin, 1887 Astropyga major (Seba, 1734) Astropyga mossambica Peters, 1853 Cidaris radiata Leske, 1778 Cidarites radiata (Leske, 1778) Diadema radiatum (Leske, 1778) Echinonanthus major Seba, 1734 Echinus radiatus (Leske, 1778)

Die seedier leef op riwwe in water wat tot 70m diep is, meestal in strandmere en baaie sanderige, rommelagtige gebiede. Hulle leef in groepe saam en vorm groter groepe wanneer daar kuit geskiet word. Die seedier leef saam met sekere garnale, krappe, en jong vissies. Hulle vreet alge. Wanneer gevaar dreig kan die seedier die hoek van die stekels verander na die rigting van die dreigement.

Galery

• 
  Swart en oranje spesies in Kenia.
• 
  'n Oranje spesie in die Filippyne.
• 
  'n Ligter spesie in die Filippyne.
• 
  'n Seldsame wit spesie in Hawaii.

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne Skakel

• http://www.sealifebase.org/summary/Astropyga-radiata.html