W.F.H. Huyzers
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Willem Frederik Hendrik Huyzers (1904–1978)[1] was ’n predikant in die Nederduitsch Hervormde Kerk en skrywer van godsdienstige werke en dramas. Die digter N.P. van Wyk Louw is sy swaer.
Lewe en werk
wysigWillem Frederik Hendrik Huyzers is op 30 April 1904 gebore. Hy bekwaam homself as predikant in die Nederduitsch Hervormde Kerk van Afrika en word georden op 14 November 1931. Hy is getroud met Sophia Maria Pohl, die suster van Anna Neethling-Pohl en Truida Pohl, laasgenoemde die vrou van N.P. van Wyk Louw, wat dus sy swaer is.
Hy bedien onder andere die gemeentes van Krugersdorp, Brixton en Duiwelskloof en word ook verkies tot die Kuratorium vir Teologiese Opleiding van die kerk, waar hy van 1956 tot 1957 as voorsitter dien.
Na aftrede vestig hy hom op ’n plasie in in die Oos-Transvaal. Op 11 Mei 1978 is hy oorlede.[1]
Skryfwerk
wysigHy skryf die Kersspel Ster uit die Ooste.[2] Ver bo korale is ’n boek met dagboekstukke, wat hy saam met ander skryf, en Paradys of oerwoud is ’n bundel met preke.
Publikasies
wysigWerke uit sy pen sluit in:[3]
- Paradys of oerwoud, 1958
- Ver bo korale (saam met J.P. Oberholzer), 1961
- Ster uit die Ooste, 1965
Verwysings
wysigTydskrifte en koerante
wysigHTS Teologiese Studies. Vol 66 No.3 2010 Supplementum 9 “Honderd Jaar Kerk en Teologiese Opleiding: ’n Kroniek van die Hervormde Kerk.
Ander verwysings
wysig- ↑ 1,0 1,1 "HUYZERS Willem Frederik Hendrik 1904-1978". graves-at-eggsa.org (in Engels). Geargiveer vanaf die oorspronklike op 31 Mei 2020.
- ↑ "Appliance Repairs Johannesburg - 083 748 0910". Appliance Repairs Johannesburg - 083 748 0910 (in Engels). Geargiveer vanaf die oorspronklike op 6 Desember 2019.
- ↑ "Results for 'au:HUYZERS, W. F. H.' [WorldCat.org]". www.worldcat.org.