Wapenisering van alles

Wapenisering van alles (Engels: Weaponization of everything) is 'n frase wat verwys na 'n uitbreiding van die definisie van wat 'n wapen is, en dienooreenkomstig die uitbreiding van wat 'n bedreiging, aanval en verdediging beteken. Hierdie uitbreiding of toename in verspreiding maak dit moeiliker om te identifiseer wat 'n (bedreiging) aanval (of verdediging) is. Die frase wanneer dit tot 'n uiterste geneem word, beteken dat elke individu of groep mense die veiligheid van elke ander individu of groep mense sal kan beïnvloed. Tussen die realiteit en die teoretiese konseptualisering van die frase is 'n gaping wat impliseer dat die wêreld nie sy geleenthede vir veiligheid uitgeput het nie. Die frase impliseer ook begrip in watter mate iets gewapeniseer kan word. Dit lei tot die identifikasie van hoe oorlog op ander maniere gevoer kan word, insluitend minder gewelddadige middele.

Die geskiedenis van oorlog maak dit duidelik dat die onderliggende konsep nie nuut is nie; die omvang van "alles" verander egter. Die frase is vergelyk met die wet van die instrument; wanneer al wat jy weet is hoe om aan te val, sal alles as 'n wapen gebruik word, en vir die 'vyand' sal alles soos 'n wapen voel, en alles sal as 'n verdediging gebruik word.