Wikipedia

Wardruna

Wardruna is 'n Noorweegse musiekgroep wat in 2003 gestig is deur Einar Selvik saam met Gaahl en Lindy Fay Hella.[1] Hulle is toegewyd aan die skep van musikale vertolkings van die Noorse kulturele en esoteriese tradisies, en maak op groot skaal gebruik van Nordiese historiese en tradisionele instrumente, insluitend veltromme, raamtromme, fluite, kraviklyr, jouhikko, mondharp, bukkehorn en lur. Nie-tradisionele instrumente en ander klankbronne soos bome, rotse, water en fakkels word ook gebruik.[2]

Wardruna
Wardruna tydens die Roadburn-fees, 2015
Agtergrondinligting
OorsprongBergen, Noorweë
GenresPagan Folk
Dark Wave
Middeleeuse musiek
Jare aktief2003 - hede
EtiketteIndie Recordings
Norse Music
Columbia Records
AssosiasiesDet Hedenske Folk, Mortify, Bak de Syv Fjell, Jotunspor, Dead to this World, Skuggsjá
Webwerfhttp://wardruna.com
LedeEinar Selvik
Lindy Fay Hella
Arne Sandvoll
HC Dalgaard
Eilif Gundersen
John Stenersen
Gewese ledeGaahl
Jørgen Nyrønning

Die groep het vyf vollengte albums vrygestel, die eerste drie gebaseer op die Noorse mitologie, die laaste twee gebaseer op die woorde van Odin uit die Völuspá en ander ou Noorse bronne.

TeamRock.com het Wardruna se musiek beskryf as 'n samevoeging van die aardse, die organiese en die eteriese 'met' rune-gebaseerde ritusse wat 'n frekwensie bevat wat eens gehoor is, altyd gelyk blyk aan die alledaagse bewussyn'.[3]

Geskiedenis wysig

Wardruna is in 2003 gestig. Selvik en Gaahl was albei vroeër lede van Gorgoroth. Hulle verskyn saam op die album Twilight of the Idols en die live DVD Black Mass Krakow 2004.[4][5] Selvik het ook saam met ander projekte opgeneem, waaronder Det Hedenske Folk,[4] Bak de Syv Fjell, Jotunspor, Sahg, Dead to this World, Skuggsjá en Faun[6][4] Gaahl het ook opgeneem met Trelldom, Gaahlskagg en God Seed.[7]

Die groep se debuutalbum, Runaljod - Gap Var Ginnunga, is op 19 Januarie 2009 deur Indie Recordings uitgereik, gevolg deur Runaljod - Yggdrasil op 15 Maart 2013.

In 2014 het Selvik op die groep se amptelike Facebook-blad aangekondig dat hulle sou deelneem aan die samestelling van die musiek vir die tweede seisoen van die TV-reeks Vikings saam met Trevor Morris.[8][9] Hy verskyn later as akteur in die program.[10] In 2015 verlaat Gaahl Wardruna op vriendskaplike basis.[11]

Wardruna se derde album, Runaljod - Ragnarok, is op 21 Oktober 2016 vrygestel. Deels te danke aan die sukses van die Vikings-reeks, debuteer die album op nommer 1 in Billboard se wêreldalbumranglys.[12]

In Augustus 2017 was Wardruna hoof aantrekking van die 20ste alternatiewe musiek-, volksmusiek- en eksperimentele musiekfees Mėnuo Juodaragis in Dūburysmeer, Litaue.[13] Vroeg in 2018 het hulle hul eerste toer deur Noord-Amerika onderneem.[14] Die groep se vierde album, die akoestiese Skald, is op 23 November 2018 vrygestel.[15]

In Oktober 2019 het Wardruna aangekondig dat hulle nou onderteken is by die groot etikette Sony Music / Columbia Records en dat hulle van Maart tot Augustus 2020 op 'n Europese konserttoer wou gaan.[16]

In Februarie 2020 het die groep die vrystelling van hul vyfde studio album in Junie 2020 aangekondig. Die album het die naam Kvitravn, wat Wit Raaf beteken. [17] Die album is vertraag weens die Covid-19-pandemie en eers op 22 Januarie 2021 vrygestel.

Lede wysig

Huidige lede wysig

  • Einar "Kvitrafn" Selvik - sang, alle instrumente, komponis
  • Lindy Fay Hella - sang, fluit
  • Arne Sandvoll - agtergrondsang, perkussie
  • HC Dalgaard - agtergrondsan, perkussie, tromme
  • Elf Gundersen - horings, fluite
  • John Stenersen – moraharpa

Voormalige lede wysig

  • Jørgen Nyrønning

Diskografie wysig

  • Runaljod – Gap Var Ginnunga (2009, Indie Recordings/Fimbulljóð Productions)
  • Runaljod – Yggdrasil (2013, Indie Recordings/Fimbulljóð Productions)
  • Runaljod – Ragnarok (2016, Indie Recordings/By Norse Music)
  • Skald (2018, Indie Recordings/By Norse Music)
  • Kvitravn (2021, Columbia Records

Verwysings wysig

  1. ↑ "Wardruna - An In Depth Interview With Brilliant Norwegian Band With Viking Roots Music". Louder Than War (in Engels (VK)). 23 Augustus 2013. Besoek op 2 Augustus 2017.
  2. ↑ "About Wardruna". Wardruna.com. Besoek op 15 Oktober 2016.
  3. ↑ Jonathan Selzer (2016): Norse code: how Wardruna's runic trilogy transformed Norway's musical landscape, Teamrock.com
  4. ↑ 4,0 4,1 4,2 Metal: The Definitive Guide by Garry Sharpe-Young (Jawbone Press, 2007)
  5. ↑ "Gorgoroth: Black Mass Krakow 2004". DVD Talk. Besoek op 4 November 2018.
  6. ↑ Annexare.com, Noizr, Site by. "Video: Faun and Einar Selvik perform "Odin" — Noizr". Noizr.com. Besoek op 4 November 2018.{{cite web}}: AS1-onderhoud: meer as een naam (link)
  7. ↑ "Unleashing Satan: An Evening with Gaahl". Metalblast.net. 25 November 2013. Besoek op 4 November 2018.
  8. ↑ "WARDRUNA's Music In 'Vikings' TV Series". Metalkaoz.com.
  9. ↑ "WARDRUNA Music Featured In HISTORY CHANNEL Series 'Vikings'". Blabbermouth.net (in Engels (VSA)). 7 Maart 2013. Besoek op 2 Augustus 2017.
  10. ↑ "Einar Kvitrafn Selvik (Wardruna) Appearing On History Channel's Vikings". Ghost Cult Magazine.
  11. ↑ "Gaahl No Longer Performing Live With Wardruna". Metalundergorund.com.
  12. ↑ Norwegian band rides ‘Vikings' success to top of Billboard chart, TheLocal.no
  13. ↑ "20th fable of Mėnuo Juodaragis tells of God of Thunder and Wardruna". Delfi. BNS EN. 8 Mei 2017. Besoek op 23 Januarie 2018.
  14. ↑ "Wardruna announce North American tour; singer releasing solo EP". Brooklynvegan.com. Besoek op 4 November 2018.
  15. ↑ "Wardruna New Album 'Skald' Now Available for Pre-Orders! – By Norse". Bynorse.com. Geargiveer vanaf die oorspronklike op 11 November 2018. Besoek op 4 November 2018.
  16. ↑ "Wardruna Sign To Sony Music/Columbia And Announce Tour Dates For 2020 • TotalRock". TotalRock (in Engels (VK)). 5 Oktober 2019. Besoek op 28 Januarie 2020.
  17. ↑ http://www.wardruna.com/news/
  18. ↑ "Wardruna.com - News and Updates". www.wardruna.com. Besoek op 22 Maart 2018.
  19. ↑ Blabbermouth.net - WARDRUNA Signs With INDIE RECORDINGS – 27 Oktober 2008 Geargiveer 6 Junie 2011 op Wayback Machine

Eksterne skakels wysig

Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Wardruna&oldid=2620828"