Ware noord
Ware noord (ook bekend as die geodetiese noorde) is die rigting met die Aarde se oppervlak langs na die geografiese Noordpool, of ware Noordpool.
Die geodetiese noorde verskil van die magnetiese noorde (die rigting waarin ’n kompas na die magnetiese noordpool wys) en die kaartnoorde (noord volgens die lyne van ’n kaart). Geografiese ware noord verskil ook baie effens van "astronomiese" ware noord (gewoonlik met ’n paar boogsekondes) omdat die plaaslike swaartekrag dalk nie presies na die Aarde se draaias wys nie.
Die rigting van die astronomiese ware noorde word in die lug aangedui deur die noordelike hemelpool. Dit is binne sowat 1° van die posisie van Polaris, sodat dit lyk of die ster in ’n baie klein sirkel in die lug beweeg. Vanweë die aksiale presessie van die Aarde roteer ware noord in ’n boog met betrekking tot die sterre wat sowat 25 000 jaar duur om te voltooi. Omstreeks 2100-'02 sal Polaris op sy naaste aan die hemelnoordpool wees.[1][2][3] Vega was omstreeks 12000 v.C. die noordelike poolster en sal dit omstreeks 13727 n.C. weer wees.[4]
Verwysings
wysig- ↑ Meeus (1997), p. 305.
- ↑ McClure, Bruce (2013). "Polaris is the North Star". Astronomy Essentials (in Engels). EarthSky. Geargiveer vanaf die oorspronklike op 9 Maart 2014. Besoek op 28 April 2014.
- ↑ Smiley, C. H.; Majid Khan, A. "Polaris and Precession". Journal of the Royal Astronomical Society of Canada. 53: 250. Geargiveer vanaf die oorspronklike op 29 April 2014. Besoek op 28 April 2014.
- ↑ Calculation by the Stellarium application version 0.10.2, http://www.stellarium.org, besoek op 2009-07-28
Bronne
wysig- Meeus, Jean (1997). Mathematical Astronomy Morsels. Richmond, VA: Willmann-Bell. ISBN 0-943396-51-4.
- Ridpath, Ian, red. (2004). Norton's Star Atlas. New York: Pearson Education. ISBN 0-13-145164-2.
Hierdie artikel is vertaal uit die Engelse Wikipedia
