Warmwaterberg

Die ligging van Warmwaterberg in Suid-Afrika.

Warmwaterberg is 'n warmwaterbron geleë tussen Barrydale en Ladismith in die Klein Karoo.

Die bron is 31 km van Barrydale, by 33° 45' 55″ suid en 20° 54' 3″ oos en 500 m bo seevlak. Dit is hoog teen Warmwaterberg.

In die oog is die watertemperatuur 45,6°C en daagliks lewer dit sowat 790 000 liter water. Dit bevat yster en mangaan en is effens bruin van kleur. Rondom hierdie oase is die plantegroei maar karig. Somertemperature styg soms baie hoog.

Dit is die tweede warmbron in Suid-Afrika waar 'n rusoord ingerig is. Die ontwikkeling het in 1886 begin en bekende besoekers uit die verlede was sir Walter Hely-Hutchinson en dr. D.F. Malan. Tans is daar nog sober bad- en oornaggeriewe beskikbaar.

Plantegroei

Op die Warmwaterberg word 'n dwergvorm van Adromischus leucophyllus aangetref.

Bibliografie

Booyens, Bun: Bronwaters van genesing. Die tradisionele warmbron-waterkuur in ons volksgeneeskunde. Kaapstad: Tafelberg vir die Raad vir Geesteswetenskaplike Navorsing, 1981. ISBN 0-624-01584-X
Waring, Gerald A. en hersien deur Reginald R. Blankenship en Ray Bentall: Thermal springs of the United States and other countries - a summary. Washington: US Government Printing Office, 1965. (Geological Survey Professional Paper 492). Internet-aanlyn beskikbaar.