Witblaarplakkie
Witblaarplakkie (Adromischus leucophyllus) (Uitewaal) is 'n klein vetplantjie wat endemies is aan die provinsie Wes-Kaap van Suid-Afrika. Op die SANBI-rooilys is dit as 'veilig' (LC) gelys. Dit kom in die Klein Karoo voor van Robertson en Montagu tot Laingsburg tot die noordhelling van die Klein Swartberg naby die Gamkapoortdam. Dit is 'n spesie kenmerkend aan die Sukkulente Karoo wat in vlak gronde in die skaduwee aangetref word, veral in rotsige klowe op berge wat met kwartsiet bedek is.[2]
| Witblaarplakkie[1] | |
|---|---|
| |
| Adromischus leucophyllus | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | |
| Spesie: | A. leucophyllus
|
| Binomiale naam | |
| Adromischus leucophyllus | |
Dit is 'n dwergie met min sytakke en word 5,5 x 13 cm groot. Op die Warmwaterberg word dit ook gevind, maar daar is dit kleiner en die blare word nie groter as 1,5 cm nie. Die blare is grysgroen en bedek met 'n fyn poeier. Die bloeiare word 15 cm lank.[3]
Verwysings
wysig- ↑ Sien
- ↑ "SANBI" (in Engels). Geargiveer vanaf die oorspronklike op 12 Junie 2020.
- ↑ E. van Jaarsveld in: Illustrated Handbook of Succulent Plants: Crassulaceae Springer Science & Business Media, 2012, ISBN 3-642-55874-7, ISBN 978-3-642-55874-0