Montagu
Montagu is 'n dorp in die Klein Karoo in die Wes-Kaap. Die dorp lê op die R62-roete en het ongeveer 15 000 inwoners. Die dorp is die hoofstad van die Langebergvallei. Die vallei is tussen die Langeberg (suid) en Waboomsberge (noord).
Montagu | |
|---|---|
 'n Straat in Montagu | |
  Montagu Montagu se ligging in Wes-Kaap | |
| Koördinate: 33°47′S 20°7′O / 33.783°S 20.117°O | |
| Land |  Suid-Afrika |
| Provinsie | Wes-Kaap |
| Distrik | Kaapse Wynland |
| Munisipaliteit | Langeberg |
| Stigting | 1856[1] |
| Oppervlak | |
| • Totaal | 32,71 km2 (12,63 vk. myl) |
| Bevolking (2011)[2] | |
| • Totaal | 15 176 |
| • Digtheid | 464/km2 (1 200/vk. myl) |
| Rasverdeling (2011) | |
| • Wit mense | 16.4% |
| • Indiërs/Asiërs | 0.5% |
| • Bruin mense | 75.7% |
| • Swart mense | 6.4% |
| • Ander | 1.0% |
| Taal (2011) | |
| • Afrikaans | 91.2% |
| • Engels | 5.5% |
| • Xhosa | 1.5% |
| • Ander | 1.9% |
| Poskode (strate) | 6720 |
| Skakelkode | 023 |
| Webwerf | http://www.montagu-ashton.info |
Geskiedenis
wysig
Daniel Stephanus van der Merwe het in 1850 erwe op die plaas Uitvlug deur die landmeter William Atmore laat uitlê en die eerstes is in 1851 verkoop. Nog erwe, deur die landmeter Kannemeyer uitgelê, is in 1854 verkoop en die huidige vorm van die dorp is geskep. Die dorp was aanvanklik as Agter-Cogmanskloof bekend, maar is later vernoem na John Montagu, die Koloniale sekretaris vir die Kaapkolonie. Die uitleg, tussen die Keisie- en Kignariviere, met waterkanale wat van die een rivier na die ander loop, is deur die jare behou. Die dorp wat 'n besondere mengsel van woon-, handels- en landelike gebiede het, is nou die ideale onderwerp vir argitektoniese studie.
Die belangrikste dryfveer agter die stigting van die dorp was landboubedrywighede op klein skaal: Groot plase het te duur geword en die ekonomies gangbare groot watererwe is eerste verkoop. Die kweek van druiwe en die maak van wyn was die belangrikste bedryf. Die eerste tydelike kerk is in 1852 gebou en in die volgende jaar is met 'n skool vir sestien kinders begin. Die skoenmakers, wamakers, grofsmede, slagters, leerlooiers, kleremakers en winkeliers het hul ook gou gevestig. Op Montagu staan nog twintig huise wat tussen 1850 en 1885 gebou is.
Wapen
wysigMontagu se munisipale raad het in 1968 'n wapenverlening van die Kaaplandse provinsiale administrateur verkry: Skuinsregs gedeel van silwer en swart, die silwer belaai met 'n druiwetros gestengel en geblaar van natuurlike kleur en die swart met die kop en hals van 'n griffioen tussen 'n vlug, alles van goud, die vlug aan die onderkant belaai met drie rooi ruite, dwarsbalksgewys geplaas. Die helmteken was 'n halwe adelaar uitkomend uit 'n goue muurkroon, en die wapenspreuk was "Disputando me non mutando me".[3] Die wapen is in 1972 by die Buro vir Heraldiek geregistreer.[4]
Sommige weergawes van die wapen toon egter die wapenspreuk "Doen reg en vrees niks – Fear not while acting justly".
Distrik
wysigDie distrik is 2 543 km2 groot. Tesame met wyn word appels, pere, appelkose en perskes verbou. Vandag is Montagu veral bekend om sy minerale warmwaterbron.
Sien ook
wysigVerwysings
wysig- ↑ "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 6 April 2016.
- ↑ 2,0 2,1 2,2 2,3 "Hoofplek Montagu". Sensus 2011.
- ↑ Kaap die Goeie Hoop Offisiële Koerant 3470 (9 Augustus 1968).
- ↑ National Archives of South Africa : Data of the Bureau of Heraldry.
Eksterne skakels
wysig- Japha, Derek en Vivienne Japha: The landscape and architecture of Montagu, 1850 - 1915. School of Architecture, Universiteit van Kaapstad, 1992. ISBN 0-7992-1432-9
- (en) Montagu-toerismeburo