Waterstofsulfied

Waterstofsulfied is 'n chemiese stof met formule H₂S. Dit is 'n brandbare en giftige gas met 'n vroteierreuk.

Eienskappe

Algemeen
Naam	Waterstofsulfied
Struktuurformule van
Chemiese formule	H2S
Molêre massa	34,08 [g/mol]
CAS-nommer	7783-06-4
Reuk	Vroteierreuk
Fasegedrag
Smeltpunt	-82,9 °C
Kookpunt	-60,2 °C
Digtheid
Oplosbaarheid	0,038 g/ml (@20 °C)
Dampdruk	17 Atm (@21,1 °C)
Henry se konstante	9,8 x 10-2 [L/mol.atm] 2160 [K]
Suur-basis eienskappe
pKa	1ste: 7,05; 2de: 11,9
Veiligheid
Flitspunt
Selfontbrandingspunt	500 °C
Tensy anders vermeld is alle data vir standaardtemperatuur en -druk toestande.
Portaal Chemie

Die gas is oplosbaar in water (>1M) en 'n swak suur. Dit is 'n sterk reduserende stof.

Geskiedenis

In 1595 beskryf Libavius dat 'swaweldampe' wit lood swart kan maak. In 1777 vind Scheel dat 'swaweldampe' deur 'n reaksie van suur en 'n metaalsulfied of van waterstof en swawel vervaardig kan word en Bertholett ondersoek en beskryf waterstofsulfied twee dekades later as 'gesulfureerde waterstof' en bepaal die samestelling daarvan.

Giftigheid

Die eienskappe van hierdie gas, waaronder sy giftigheid, is sedert dié tyd dikwels ondersoek. Daar moet 'n onderskeid gemaak word tussen die sitotoksisiteit - die vermoë om selle te dood - wat matig is (7,5 mM) en die genotoksisiteit - die vermoë om die gene aan te tas - wat reeds by konsentrasie van 250μM intree. Omdat sulfaatreduserende bakterie in die dunderm voorkom, word daar ook waterstofsulfied gevorm wat moontlik 'n rol in die ontstaan van dermkanker speel. In 2007 het Szabo aangetoon dat waterstofsulfied net soos stikstofoksied NO 'n sellulêre boodskapper is en dit word ook in lae konsentrasies in die liggaam vervaardig.