Wauchope-obelisk
Die Wauchope-obelisk gedenk genl.-maj. Andrew Gilbert Wauchope wat op 11 Desember 1899 tydens die Slag van Magersfontein gesneuwel het.
Wauchope is op 19 Desember 1899 in die Logan-familiebegraafplaas, 10 km suid van Matjiesfontein in die Karoo, begrawe. Die begraafplaas lê tussen die N1-nasionale pad en die spoorlyn by die spoorweghalte Memorial en so 'n 500 m van die hoofpad. Ook is daar die bekende Engelse krieketspeler George Alfred Lohmann (1865–1901), die spoorwegingenieur John Maitland Grant (oorlede 1894), verskeie lede van die Logan-familie en enkele Britse soldate begrawe. Teen die kop bo die begraafplasie is daar twee gedenknaalde. Hulle is duidelik sigbaar regs van die pad as 'n mens noordwaarts ry. Die naald naaste aan die N1 herdenk Wauchope, die ander een ingenieur Grant.