Westgate
Westgate is ’n voorstad van Johannesburg, sowat 1,2 km wessuidwes van die stadsaal.
Westgate | |
|---|---|
  Westgate Westgate se ligging in Gauteng | |
| Koördinate: 26°12′30″S 28°01′50″O / 26.20833°S 28.03056°O | |
| Land |  Suid-Afrika |
| Provinsie | Gauteng |
| Munisipaliteit | Stad Johannesburg |
| Hoofplek | Johannesburg |
| Stigting | 13 Julie 1942 |
| Oppervlak | |
| • Totaal | 0,78 km2 (0,30 vk. myl) |
Dit beslaan sowat 0,78 km², waarvan sowat driekwart wes en die res oos van die De Villiers Graaff-snelweg geleë is. In die weste grens Westgate aan City West, in die noorde aan Newtown, in die noordooste en ooste aan Ferreirasdorp en in die suide aan Selby.
Westgate is vroeg in die 1930 uitgelê en op 13 Julie 1942 geproklameer. Die naam is afgelei van die feit dat dit die "poort" in die weste is waardeur mense die middestad van Johannesburg met Hoofrifweg langs binnegekom het.
Westgate was blykbaar nog altyd hoofsaaklik ’n handelsgebied, want in 1934 is net 32 munisipale kiesers hier getel, van wie almal Engelssprekend was. Teen 1961 het die Engelssprekende kiesers afgeneem tot net drie, terwyl ook drie Afrikaanssprekende kiesers getel is.
Bronne
wysig- (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
- (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.