Wikipediabespreking:Kernartikels

Die uitleg lyk mooi. Ek verstaan self bittermin Duits en Frans, maar ek dink daar is mense wat dalk uit bv. Frans sal wil werk. Dis natuurlik nie moeilik om by die Franse artikel uit te kom nie, maar ek noem dit sommer. Dit lyk spoggerig andersins. Ek neem aan 'n hele stel onderwerpe moet nog gedek word... --Alias 13:02, 24 Mei 2007 (UTC)

Inderdaad - ek is op die oomblik net bietjie besig (nie dat dit mens sal merk deur na my lys van bydraes te kyk nie), maar hoop om die naweek sommer nog 'n paar kategorieë by te sit. Ek twyfel egter of ek vóór einde-Julie klaar sal wees (daar is deksels baie kategorieë). Ek het Ned. Duits en Eng. gekies om dat ek aanvaar het dat dit die algemeenste bekende tale aan Afrikaners sal wees. Ek moet erken dat Voyageur die enigste persoon is wat ek "ken" wat Frans kan praat - nie dat ek nie dink daar is genoeg ander Afrikaners wat die taal wél kan praat nie, maar mens moes êrens 'n lyn trek. Soos jy sê: dis maklik genoeg om by die anders-talige artikels uit te kom: die bestaande drie skakeltjies is werklik maar net 'n uitgangspunt om vanaf te begin.

wetenskaplikes, wiskundiges en uitvinders

Ek het die koepelkategorie gekies omdat van die vroeëre bioloë byvoorbeeld ook chemici was, en van die chemici was fisici en van die fisici was ook wiskundiges, ens. Ek het die uitvinders saam gegroepeer, want die helfte van die uitvinders was ook wetenskaplikes.... Anrie 10:50, 26 Mei 2007 (UTC)

Vordering van lys

Ek weet die lys vorder op die oomblik maar stadig, maar ek is op die oomblik self ook besig met universiteits- en ander dinge. Ek het ook nou die "Mense"-gedeelte afgehandel en van hier af sal elke artikeltitel korrek vertaal moet word voor ek dit kan byvoeg, dus duur dit 'n goeie deel langer as die "mense" artikels. Ek doen wel navorsing om seker te maak dat die gegewe naam/term wel die korrekte/gebruiklike een is, meestal uit "Wêreldspektrum" en "Die opkoms van Europa". Ek sal dit waardeer as iemand dit eers hier wil bespreek indien hulle voel die gegewe Afrikaanse weergawe van 'n titel is nie korrek nie en 'n bron (verkieslik twee) aanhaal waar dit anders aangegee word. Anrie 10:42, 11 Junie 2007 (UTC)

Ek kry binne die volgende maand of twee 'n HAT en 'n tweetalige woordeboek waarna hierdie lys vinnig voltooi sal word. Anrie 09:25, 6 Julie 2007 (UTC)

New real time list of missing articles

I suggest that you give a look to the Mix'n'match tool by Magnus Manske, and that you recommend it from this page. Thanks to Wikidata, it's able to tell you in real time what articles you're missing out of several reliable lists of relevant persons. --Nemo 17:06, 10 Oktober 2014 (UTC)