William Jardine
Majoor William Jardine (1867 - 1948) was 'n Suid-Afrikaanse boekversamelaar en oudheidkundige. Hy is in 1867 in Kaapstad gebore en ontvang opleiding aan die South African College en in Engeland. Nadat hy afgetree het as sakeman het hy een van die beste Africana-biblioteke in Suid-Afrika opgebou. Dit is deur die regering aangekoop en in die Parlementsbiblioteek bewaar as deel van die Mendelssohn-versameling. Hy het met 'n tweede biblioteek begin, gelykstaande aan die eerste een, en dit op sy landgoed, Applegarth, naby Sir Lowryspas gehuisves. Hy is in 1948 oorlede.
Bronne
wysig- Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.
