Wladimir Kaminer

Wladimir Kaminer

Duitse skrywer

---

Literêre stroming
Komiese literatuur

---

Beduidende werke

Russendisko
Militärmusik

Wladimir Kaminer (* 19 Julie 1967 in Moskou, Sowjetunie) is 'n Duitse skrywer en kolomskrywer van Russies-Joodse afkoms. Sy verhaalbundels Militärmusik en Russendisko het hom ook buite Duitsland bekendheid besorg en is in verskeie Europese tale, waaronder Frans, Italiaans, Russies en Engels, vertaal. Kaminer skryf sy werke in Duits en nie in sy moedertaal Russies nie.

Lewe

Wladimir Kaminer is die seun van 'n onderwyseres en 'n bedryfsekonoom wat as adjunk-bestuurder in 'n onderneming van die Russiese binnelandse vloot werksaam was. Ná sy opleiding as klankingenieur vir toneel en radio het Wladimir dramaturgie aan die Moskouse Toneelinstituut gestudeer.

"Berlyn is regtig 'n besonderse stad. Daar is Grieke wat Italiaans praat omdat hulle 'n pizzeria besit; daar is Katja wat met behulp van meskalien-kaktusse gees en liggaam van mekaar losmaak totdat albei apart van mekaar na 'n psigiatriese inrigting geneem moet word. Daar is Klaus wat danksy die radioprogram "Russies vir kinders" sy taalkennis wil uitbrei en tydens sy eerste besoek aan Moskou in die tronk beland. En daar is Wladimir Kaminer se pa wat op 68-jarige leeftyd besluit om na Duitsland te emigreer waar hy ná 'n kort tyd na die uitdagings van die alledaagse lewe in Rusland verlang. Rylesse en die stryd om oorlewing in die straatgewoel van die stad kompenseer vir dié verlies."

Omslagteks van "Russendisko"

In Junie 1990 het hy hom in Berlyn gevestig en in die destydse Duitse Demokratiese Republiek "humanitêre asiel" gekry. Nog voor die Duitse hereniging op 3 Oktober van daardie jaar het hy DDR-burgerskap en sodoende ook outomaties die burgerskap van die Bondsrepubliek Duitsland verkry.

Wladimir, wat homself ook as dramaturg, regisseur en toneelspeler bekwaam het, was jare lank lid van die toneelgemeenskap Reformbühne Heim & Welt waar hy weekliks sy nuutste verhale in die Kaffee Burger voorgedra het. Met Wladimirs Welt ("Wladimir se wêreld") het hy sy eie radio-rubriek by Radio Multikulti gekry - 'n radiostasie van die openbare Berlynse uitsaaier SFB 4 wat op immigrante gemik is.

Daarnaas het hy ook verskeie kere in 'n televisie-rubriek van die openbare uitsaaikorporasie ZDF opgetree en saam met Joeri Goerzji kulturele aktiwiteite soos sy gewilde Russendisko (waar hy as platejoggie optree en uitsluitlik musiek van Russiese musikante speel) georganiseer. Hy publiseer gereeld tekste in 'n verskeidenheid Duitse dagblaaie en tydskrifte.

Kaminer se klub Rodina, wat in Desember 2006 in Berlyn geopen is, is slegs vier en 'n half maande deur hom bestuur. In dieselfde jaar het hy aangekondig dat hy in die Berlynse verkiesing van 2011 as kandidaat vir die amp van uitvoerende burgemeester sou staan.

Kaminer woon met sy vrou Olga Kaminer, wat eweneens van Russiese afkoms is en met wie hy in 1995 in Berlyn kennis gemaak het, en hul twee seuns in die Berlynse distrik Prenzlauer Berg.

Bibliografie

• Russendisko. Manhattan, München 2000, ISBN 3-442-54519-6. Sagteband: Manhattan, München 2002. ISBN 3-442-54175-1.
• Schönhauser Allee. Manhattan, München 2001. ISBN 3-442-54559-5. Sagteband: ISBN 3-442-54168-9.
• Frische Goldjungs. Manhattan, München 2001. ISBN 3-442-54162-X. Sagteband: ISBN 978-3442541621.
• Militärmusik. Manhattan, München 2001. ISBN 3-442-54532-3. Sagteband: Manhattan, München 2003. ISBN 3-442-45570-7.
• Die Reise nach Trulala. Manhattan, München 2002. ISBN 3-442-54542-0. Sagteband: Manhattan, München 2004. ISBN 3-442-45721-1.
• Helden des Alltags. Ein lichtbildgestützter Vortrag über die seltsamen Sitten der Nachkriegszeit. Met Helmut Höge. Manhattan, München 2002. ISBN 3-442-54183-2.
• Mein deutsches Dschungelbuch. Manhattan, München 2003. ISBN 3-442-54554-4. Sagteband: Manhattan, München 2004. ISBN 3-442-45945-1.
• Ich mache mir Sorgen, Mama. Manhattan, München 2004. ISBN 3-442-54560-9. Sagteband: Goldmann Verlag, München 2006. ISBN 3-442-46182-0.
• Karaoke. Manhattan, München 2005. ISBN 3-442-54575-7. Sagteband: Goldmann Verlag, München 2007. ISBN 3-442-54243-X.
• Küche totalitär. Das Kochbuch des Sozialismus. Mit Olga Kaminer. Manhattan, München 2007. Illustrasies: Vitali Konstantinov. ISBN 3-442-54610-9.
• Ich bin kein Berliner. Ein Reiseführer für faule Touristen. Manhattan, München 2007. Illustrasies: Vitali Konstantinov. ISBN 3-442-54240-5.
• Mein Leben im Schrebergarten. Manhattan, München 2007. Illustrasies: Vitali Konstantinov. ISBN 978-3-442-54618-3. Sagteband: Manhattan, München 2009. ISBN 978-3-442-54270-3.
• Salve Papa! Manhattan, München 2008. ISBN 978-3-442-54617-6. Sagteband: Manhattan, München 2010. Illustrasies: Vitali Konstantinov. ISBN 978-3-442-54282-6.
• Es gab keinen Sex im Sozialismus. Legenden und Missverständnisse des vorigen Jahrhunderts. Manhattan, München 2009. Illustrasies: Vitali Konstantinov. ISBN 978-3-442-54265-9.
• Meine russischen Nachbarn. Manhattan, München 2009. Illustrasies: Vitali Konstantinov. ISBN 978-3-442-54576-6.
• Das Leben ist kein Joghurt. Met Kitty Kahane. Hansisches Druck- und Verlagshaus, Frankfurt am Main 2010. ISBN 978-3-86921-025-4.
• Meine kaukasische Schwiegermutter. Manhattan, München 2010. Illustrasies: Vitali Konstantinov. ISBN 978-3-442-54656-5

Diskografie

• Russendisko. Random House Audio, ISBN 3-89830-135-4, 1 CD, ca. 73 min, Augustus 2000
• Militärmusik. Random House Audio, ISBN 3-89830-263-6, 2 CD, ca. 150 min, September 2001
• Schönhauser Allee. Random House Audio, ISBN 3-89830-354-3, 1 CD, ca 75 min, Maart 2002
• Die Reise nach Trulala. Random House Audio, ISBN 3-89830-414-0, 2 CD, ca. 140 min, Augustus 2002
• Best of … Random House Audio, ISBN 3-89830-489-2, 2 CD, ca. 140 min, Maart 2003
• Helden des Alltags. (Saam met Helmut Höge), Random House Audio, ISBN 3-89830-549-X, 1 CD, ca. 70 min, Maart 2003
• Mein deutsches Dschungelbuch. Random House Audio, ISBN 3-89830-610-0, 2 CD, ca. 140 min, Augustus 2003
• Ich mache mir Sorgen, Mama. Random House Audio, ISBN 3-89830-773-5, 2 CD, ca. 140 min, Junie 2004
• Karaoke. Random House Audio, ISBN 3-86604-014-8, 2 CD, ca. 140 min, Augustus 2005
• Radio Russendisko. zusammen mit Yuriy Gurzhy, Random House Audio, ISBN 3-86604-224-8, 1 CD, ca. 70 min, Januarie 2006
• Küche totalitär. Random House Audio, ISBN 3-86604-114-4, 2 CD, ca. 140 min, Februar 2006
• Ich bin kein Berliner. Ein Reiseführer für faule Touristen. Random House Audio, ISBN 3866044925, 2 CD, Maart 2007
• Mein Leben im Schrebergarten. Random House Audio, ISBN 3866046707, 2 CD, September 2007
• Salve Papa! Random House Audio, ISBN 3866048890, 2 CD, Augustus 2008
• Es gab keinen Sex im Sozialismus: Legenden und Missverständnisse des vorigen Jahrhunderts. Random House Audio, ISBN 3837100278, 2 CD, Februarie 2009
• Meine russischen Nachbarn. Random House Audio, ISBN 3837101347, 2 CD, Augustus 2009
• Meine kaukasische Schwiegermutter. Random House Audio, ISBN 3837104001, 2 CD, Augustus 2010

Eksterne skakels

• Kaminer by „Russentext.de“ Geargiveer 11 Desember 2011 op Wayback Machine
• Russendisko
• Wladimir Kaminer se amptelike webtuiste
• Onderhoud met Wladimir Kaminer Geargiveer 3 April 2009 op Wayback Machine deur EastTalk

Verwysings

• Hierdie artikel, of gedeeltes daarvan, is uit die volgende Wikipedia-artikel vertaal: Wladimir Kaminer