Wolhuter

Wolhuter is ’n klein nywerheidsvoorstad van Johannesburg, sowat 2 km suidoos van die stadsaal.

Wolhuter
Voorstad
Wolhuter  Wolhuter se ligging in Gauteng
Koördinate: 26°12′30″S 28°03′55″O
Land	Suid-Afrika
Provinsie	Gauteng
Munisipaliteit	Stad Johannesburg
Hoofplek	Johannesburg
Oppervlak
• Totaal	0,11 km2 (0,04 vk. myl)
Bevolking  (2011)
• Totaal	1 649
• Digtheid	14 991/km2 (38 830/vk. myl)
Rasverdeling (2011)
• Wit mense	0,1%
• Bruin mense	0,1%
• Swart mense	99,6%
• Ander	0,2%
Taal (2011)
• Zoeloe	85,4%
• Tswana	2,7%
• Xhosa	1,8%
• Engels	1,7%
• Ander	8,4%

Toe dié straatplan van Johannesburg in 1897 geteken is, was die gebied suid van die voorstad Wolhuter nog die Wolhuter-goudmyn. Die nywerheidsvoorstad Droste Park is intussen op dié grond uitgelê.

Die voorstadjie beslaan net sowat 0,12 km² en strek sowat 760 m van oos na wes oor agt straatblokke en net sowat 150 m oor ’n enkele straatblok van noord na suid. Hanaustraat vorm die noordelike grens met Jeppestown en Margaret Mcinganastraat (genoem na die sangeres Margaret Singana) die suidelike grens met Droste Park en Benrose. In die ooste skei Castlestraat Wolhuter en Spes Bona en in die weste vorm Madisonstraat die grens met Noord-Doornfontein. Die voorstad is in 1894 deur die Wolhuter-goudmynmaatskappy uitgelê en genoem na die eienaar daarvan, F.M. Wolhuter.

Wolhuter was tot minstens die jare veertig van die 20ste eeu 'n residensiële voorstad, want in 1934 was hier 249 Afrikaanse munisipale kiesers en 261 Engelse. In 1949 het dit afgeneem tot 66 Afrikaans en 48 Engels en in 1961 et net drie Afrikaanse en vyf Engelse kiesers oorgebly.

Bronne

• (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
• (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.