Maak hoofkeuseskerm oop
Wouter Kellerman
Geboorte20 September 1961 (1961-09-20) (57 jaar oud) [1]
Johannesburg, Suid-Afrika
Beroep(e)Musikant, komponis, filantroop
Genre(s)Wêreldmusiek, Folk, Klassiek, Jazz, Instrumentaal
Instrument(e)Dwarsfluit, Basfluit, Bansuri
Aktiewe jare1981 tot nou
EtiketteListen 2 Africa, CD Baby, Kellerman Music[2]
Webwerfwww.wouterkellerman.net
Last.fmWouter Kellerman
Portal.svg Musiekportaal

Wouter Kellerman, gebore op 20 September 1961 in Johannesburg, is 'n Suid-Afrikaanse fluitspeler en komponis. Hy begin fluit speel op die ouderdom van tien, en in 1981 tree hy as 'n solis op saam met die Johannesburgse Simfonie-orkes. Daarna tree hy saam met verskeie Suid-Afrikaanse orkeste op en palm 'n reeks musikale toekennings in.[3] Sy albums is internationaal vrygestel in Duitsland, Oostenryk, Switserland, Noord-Amerika en Australië, en hy tree regoor die wêreld op, in plekke soos Berlyn, Sjanghai, New York en Sydney.[1]

Inhoud

EerbewyseWysig

Kellerman tree by die FIFA Sokker-Wêreldbekertoernooi se afsluitings-seremonie op in 2010 en sy album Two Voices word aangewys as die beste instrumentale album by die Suid-Afrikaanse Musiekpryse (SAMA) in 2011. Hy verower 'n Grammy-prys vir sy album Winds of Samsara by die 57ste jaarlikse Grammy-toekenningsaand in die Verenigde State van Amerika in 2015.[1] In dieselfde jaar stap hy weg met 'n internasionale prestasieprys en die prys vir die beste klassieke en / of instrumentale album vir Winds of Samsara by die Suid-Afrikaanse Musiekpryse (SAMAXXI). Hy verower weer die beste klassieke en / of instrumentale albumprys vir sy album Love Language by SAMA22 in 2016.[4]

FilantroopWysig

Kellerman borg die lewenskoste van tien kinders by die SOS Children's Village in Ennerdale, Suid-Afrika, en hy het ook die bou van 'n huis by die SOS Children's Village in Rustenburg gefinansier.[3] Hy is ook 'n musiekambassadeur vir Project Peace on Earth (PPOE), 'n organisasie wat internasionale vredesinisiatiewe organiseer.[5]

DiskografieWysig

  • Colour (2010)[6]
  • Two Voices (2011)
  • Half Moon (2012)
  • Timeless (2012)
  • Mzansi (2013)
  • Winds of Samsara (2014)
  • Love Language (2015)

VerwysingsWysig

  1. 1,0 1,1 1,2 "Boomsbeat: 50 Facts about Wouter Kellerman". Besoek op 25 Maart 2017. 
  2. "AllMusic: Wouter Kellerman Discography". Besoek op 25 Maart 2017. 
  3. 3,0 3,1 "Wouter Kellerman: Biography". Besoek op 25 Maart 2017. 
  4. "Channel 24: Here are all the 2016 Sama winners". Besoek op 25 Maart 2017. 
  5. "PPOE Musical Ambassadors". Besoek op 25 Maart 2017. 
  6. "CD Universe: Wouter Kellerman Discography of CDs". Besoek op 25 Maart 2017. 

Eksterne skakelsWysig