Wynand Uys
Wynand Uys is die seun van die filmmaker, Jamie Uys wat as kinderakteur bekendheid verwerf het. Hy maak sy debuut in die rolprent, Die Professor en die Prikkelpop. Daarna speel hy die hoofrol in sy pa se rolprent, Dirkie. Hy deel egter nie sy pa se voorliefde vir rolprente nie en het sedertdien nog nie in een opgetree nie.
| Wynand Uys | |
| Nasionaliteit | Suid-Afrika |
|---|---|
| Beroep(e) | Akteur |
| Aktiewe jare | 1967 tot 1970 |
| Rolprente | Dirkie |
| Internet-rolprentdatabasis-profiel | |
In die rolprent Dirkie vlieg die jong akteur en sy oom Piet na Namibië om op die plaas te gaan kuier. Sy oom kry 'n hartaanval en die vliegtuig stort in die woestyn neer. Oom Piet sterf, maar Dirkie en sy hond, Lollie oorleef die ongeluk. Hy moet talryke gevare, van uitdroging, skerpioene tot slange in die woestyn trotseer. 'n Boesman vind en versorg hom, maar Dirkie vermoed verkeerdelik dat die Boesman sy hond as voedsel vir hom aanbied en die misverstand veroorsaak dat die Boesman hom aan sy eie lot oorlaat. Intussen begin sy pa 'n soektog na hom en druk later meer as 'n miljoen pamflette om oor die woestyn te strooi.
Filmografie
wysig- Dirkie, 1970 as Dirkie Hayes
- Die Professor en die Prikkelpop, 1967
