Yakovlev Yak-28
Die Yakovlev Yak-28 is 'n vegvliegtuig/bomwerper van die Sowjetunie. Navo se kodenaam vir die vliegtuig is Firebar. Op die oog af lyk die Yak-28 soos die Yakovlev Yak-25 maar dit is 'n nuwe ontwerp. Die prototipe, Yak-129, het op 5 Maart 1958 sy nooiensvlug voltooi. Die eerste paar eenhede is ontwikkel as bomwerper/taktiese aanvalsvliegtuie. Model Yak-28P was ontwikkel as onderskepvliegtuig met twee tandemsitplekke. Dit was ontwerp om op lae en medium hoogtes te werk en was toegerus met 'n Orel-radar. Die vliegtuig was bewapen met twee lug-tot-lugmissiele: een radarleidend en die ander infrarooileidend.
| Yakovlev Yak-28 | |
|---|---|
 | |
| Tipe | Vegvliegtuig/bomwerper |
| Vervaardiger | Yakovlev |
| Nooiensvlug | 5 Maart 1958 |
| Bekendstelling | 1960 |
| Onttrek | 1992 |
| Status | Onttrek |
| Hoofgebruiker | Sowjetlugmag |
| Aantal gebou | 1 180 |
Die Yak-28 kon transsoniese vlug handhaaf en was voortdurend opgegradeer. Die laaste motors kon 6 128 kg stukrag lewer met 'n nabrander. Twee kortafstand lug-tot-lugmissiele was toegevoeg en dié modelle is die Yak-28PM genoem. Produksie van die vliegtuie is in 1967 gestaak nadat onder andere 437 vegvliegtuigweergawes gebou is. Die laaste modelle is in 1992 uit diens onttrek.
Tegniese besonderhede wysig
| Item | Statistiek |
|---|---|
| Aantal motors | 2 |
| Tipe motor | Straalmotor |
| Vervaardiger | Tumansky R-11F-2-300 turbostraal met nabrander |
| Kraglewering per motor | 6 128 kg stukrag |
| Vlerkspan | 11,64 m |
| Lengte | 20,65 m |
| Hoogte | 3,95 m |
| Vlerkoppervlakte | 37,6 m2 |
| Maksimum opstygmassa | 15 700 kg |
| Maksimum snelheid | 1 890 km/h |
| Operasionele hoogte | 16 000 m |
| Togafstand | 2 630 km |
| Klimvermoë | Onbekend |
| Bewapening | Twee Anab-missiele, een infrarooimissiel, een radargeleide missiel, twee kortafstand lug-tot-lugmissiele |
Sien ook wysig
Bron wysig
- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9