Yaksha
Yaksha (Sanskrit: यक्ष yakṣa; Pali yakkha) is ’n algemene soort natuurgees wat gewoonlik goedaardig, maar soms stout en seksueel aggressief is, of wispelturige bewaarders van die natuurlike skatte wat in die aarde en boomwortels versteek is.[1] Hulle kom voor in Hindoeïstiese, Djainistiese en Boeddhistiese geskrifte sowel as antieke en Middeleeuse tempels van Suid- en Suidoos-Asië as beskermgode.[1][2] Die vroulike vorm is yakshi (yakṣī)[3] of yakshini (yakṣiṇī).[4]
Die yakshas kan onskuldige natuurfeë wees wat met die woude en berge verbind word, maar daar is ook ’n donkerder weergawe wat ’n soort spook is wat in die wildernis voorkom en reisigers inwag en verslind.
Kubera
wysigIn die Hindoemitologie is Kubera (Sanskrit: कुबेर; Pali: Kuvera) die god van rykdom en vooruitgang. Hy word beskou as die koning van die yakshas, regent van die Noorde (Dik-pala) en beskermer van die wêreld (Lokapala). Hy is die hoofgod van verskeie soorte halfgode en eienaar van die wêreld se skatte. Hy word dikwels as plomp, behang met juwele, uitgebeeld en dra ’n geldpot en knuppel. Sy rydier is die muishond.
Kubera word dikwels gesien saam met ’n ander godsdiensfiguur, Lakshmi, die Hindoegodin van rykdom, geluk en vooruitgang.
Verwysings
wysig- ↑ 1,0 1,1 "yaksha" (in Engels). Encyclopædia Britannica. Geargiveer vanaf die oorspronklike op 3 September 2019. Besoek op 15 Julie 2007.
- ↑ Richard John Richards (1995). South-east Asian Ceramics: Thai, Vietnamese, and Khmer : from the Collection of the Art Gallery of South Australia. Oxford University Press. pp. 27, 67. ISBN 978-967-65-3075-2.
- ↑ V.S. Apte, The Practical Sanskrit-English Dictionary, p. 776.
- ↑ Franklin Edgerton, Buddhist Hybrid Sanskrit Grammar and Dictionary, vol. 2., Motilal Banarsidass, 1ste uitg. 1953, p. 442.
Eksterne skakels
wysig
Wikimedia Commons het meer media in die kategorie Yaksha.
