Yamaha XJ900
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Yamaha XJ900 het ontstaan uit die oorspronklike Yamaha XJ model motorfiets, die XJ 650, wat die basis vorm vir die hele XJ reeks.
 | |
| Tipe en oorsprong | |
|---|---|
| Vervaardiger | Yamaha |
| Ook genoem | XJ900 |
| Produksie | 1983-1994 (XJ900) 1994-2004 (Diversion) |
| Klas | Sportiewe toermotorfiets |
| Enjin | Lugverkoelde, dubbelbonokas, 853 cc 4-slag, 4-silinder, 8-klep |
In sy oorspronklike inkarnasie van stapel gestuur in 1983, beskik die XJ900 oor 'n lugverkoelde, dubbelbonokas, 853 cc 4-slag, 4-silinder, 8-klep enjin. Oorspronklik toegerus met 'n stuurstang gemonteerde bikini windskerm, is daar kritiek uitgespreek oor sy hantering. Dit is vinnig vervang met 'n raamgemonteerde boonste windskerm en agterna op alle modelle aangebring. Die 1983 XJ900 was met antiduik voorvurke toegerus, asaandrywing en drie skyfremme (2 voor, 1 agter).
'n Hersiene weergawe is van stapel gestuur in 1984 en verplaas 891 cc. Afgesien van die enjinkapasiteit wat verhoog is, is dit toegerus met meer konvensionele vurke as sy voorganger en 'n penspan kom as standaard. Die toename in enjinkapasiteit beteken dat die vergassers van 35 mm tot 36 mm vergroot is. Brandstofkapasiteit is 22 liter en die transmissie is 'n 5-gangkas met 'n topspoed van ongeveer 200 km/h. Afgesien van hierdie veranderinge was dit byna identies aan die oorspronklike en is vervaardig tot 1994.
Die XJ900 Diversions was sy plaasvervanger.
Model enjin- en raamkodes wysig
1983 tot 1984 - 853 cc 31A
1984 tot 1990 - 891 cc 58L
1990 tot 1994 - 891 cc 4BB1