Yei

Yei is 'n medium-grootte stad in die suidweste van Suid-Soedan met 'n bevolking van 185 000. Dit is 'n besigheidsentrum naby aan die grense met twee handelsvennote, Uganda en die Demokratiese Republiek van die Kongo, dus lok die stad handelaars en kliënte van al drie lande. Ivory Bank en Kenia Commercial Bank besit takke in die stad.

Yei
Stad
'n Tipiese straattoneel in Yei in 2010
Yei
Koördinate:
Land	Suid-Soedan
Staat	Sentraal Ekwatoria
County	Yei-rivier
Bevolking
• Totaal	185 000

Landbou

Die gebied rondom Yei ontvang voldoende reënval regdeur die jaar, wat dit moontlik maak vir die verbouing van voedsel en kontantgewasse, asook die produksie van vee. Koffie en maniok is 'n paar van die gewasse wat plaaslik verbou word. Welige landerye bedek die landskap in die stad se buitewyke.

Vervoer

Die padnetwerk na die naburige dorpe en stede ondergaan deurlopende herstelwerk. Die pad tussen Yei en Kaya, op die grens van Uganda, is pas herstel. Met die verbeterings duur 'n reis na Kaya nou een uur i.p.v. vyf ure soos voorheen. Yei word ook bedien deur Yei-lughawe. Die burgeroorlog het die stad se infrastruktuur beskadig, maar na die beëindiging van die oorlog in 2005 en die verkryging van onafhanklikheid deur Suid-Soedan in Julie 2011, is die vooruitsigte goed dat Yei sy vorige glorie as Klein-Londen kan herleef.