Yokosuka MXY7 Ohka
Die Yokosuka MXY7 Ohka was 'n vuurpylaangedrewe vlieënde bom wat deur 'n vlieënier beheer was. Dit was deur die Japannese Keiserlike Vloot gebruik vir kamikaze-aanvalle. Voor die koms van die Yokosuka was gewone vliegtuie omgebou vir kamikaze-aanvalle. Daar was in Augustus 1944 begin met die ontwerp van die vlieënde bom en produksie het reeds in September 1944 begin. Model 11 was die eerste model wat operasioneel gebruik was en 755 is gebou tot Maart 1945.
| Yokosuka MXY7 Ohka | |
|---|---|
 | |
| Tipe | Vlieënde bom |
| Vervaardiger | Yokosuka Naval Air Technical Arsenal |
| Status | Uit diens gestel |
| Hoofgebruiker | Japannese Keiserlike Vlootlugmag |
| Vervaardig | Sep 1944 – Mrt 1945 |
| Aantal gebou | 755 |
Die vliegtuig was aangedryf deur 'n vuurpylmotor en het ook 'n bom van 1 200 kg in die neus gedra. Die vliegtuig is deur 'n moedervliegtuig gedra, die G4M2E waarvan die bomdeure verwyder was. Die Yokosuka was tot 80 km van die teiken geneem en dan losgelaat op 'n hoogte van 8 200 m teen 'n spoed van 320 km/h. Die vliegtuig moes dan die laaste stuk na die teiken op sy eie aflê.
Tegniese besonderhede wysig
| Item | Statistiek |
|---|---|
| Aantal motors | 1 |
| Tipe motor | Straal |
| Vervaardiger | Tipe 4 Model 20 soliede staat vuurpylmotor |
| Kraglewering per motor | 800 kg |
| Vlerkspan | 5,0 m |
| Lengte | 6,07 m |
| Hoogte | 1,20 m |
| Maks. opstygmassa | 2 140 kg |
| Maks. snelheid | 860 km/h op konstante hoogte |
| 1 000 km/h maks. duikspoed | |
| Togafstand met vrag van 1 588 kg | 88 km |
| Bewapening | Geen |
| Bomvrag | 1 200 kg |
Bron wysig
- Munson, Kenneth: Bombers 1939–1945. Bounty Books. 2012. ISBN 978-0-7537-2172-8