Zandvoort-renbaan

Motorsport renbaan in Nederland

Die Zandvoort-renbaan is 'n 4,259 km lange motorsportrenbaan in Zandvoort, Nederland. Die Hollandse Grand Prix wat van 1952–1985 vir 30 byeenkomste daar aangebied is en sedert 2021 die Nederlandse Grand Prix.

Zandvoort-renbaan
Ligging Zandvoort, Nederland
Tydsone UTC+1
Koördinate 52°23′19.75″N 4°32′27.32″O / 52.3888194°N 4.5409222°O / 52.3888194; 4.5409222Koördinate: 52°23′19.75″N 4°32′27.32″O / 52.3888194°N 4.5409222°O / 52.3888194; 4.5409222
Groot byeenkomste Hollandse Grand Prix
Duitse Toermotormeesters
Meesters van Formule 3
Grand Prix-renbaan (2020–huidig)
Lengte 4,259 km (2,646 mi)
Draaie 14
Rondterekord 1:11.079 (Vlag van Verenigde Koninkryk Lewis Hamilton, Mercedes, 2021, Formule Een)
Oorspronklike renbaan (1948–1989)
Lengte 4,252 km (2,642 mi)
Draaie 19
Rondterekord 1:11:074 (Vlag van Brasilië Nelson Piquet, Brabham BMW BT54, 1985)

Die baan wysig

Die baan het gewild geword vanweë sy vinnige, uitgestrekte draaie soos Scheivlak sowel as die "Tarzanbocht" (Tarzandraai), 'n haarnaalddraai aan die einde van die begin/eindpylvak. Tarzanbocht is die bekendste draai op die baan. Aangesien daar 'n helling in die draai is, bied dit uitstekende verbysteekgeleenthede. Dit is moontlik om buite sowel as in die makliker binnebaan verby te steek.[1] Hierdie draai is glo vernoem na 'n plaaslike karakter wat die bynaam Tarzan verwerf het en wou net sy groentetuin in die duine prysgee as die baan se ontwerpers 'n nabygeleë draai na hom vernoem het. Van 2020 af is daar ook 'n helling in die Hugenholtzdraai en die Arie Luyendijkdraai.

 
Die Zandvoort-renbaan word in 1948 aangelê
 
Die 1961 Hollandse Grand Prix
 
Lugfoto van die baan (2016)

Die uitleg van die baan is verskeie kere verander:

  • 1948–1972: lengte 4,193 kilometers (2,605 mi)
  • 1973–1979: lengte 4,226 kilometers (2,626 mi)
  • 1980–1988: lengte 4,252 kilometers (2,642 mi)
  • 1989–1998: lengte 2,526 kilometers (1,570 mi)
  • 1999–2019: lengte 4,307 kilometers (2,676 mi)
  • 2020–tans: lengte 4,259 kilometers (2,646 mi)

Verskillende baanuitlegte wysig

Die draaie het die volgende name (die nommers stem ooreen met die kaart in hierdie afdeling, beginnende by die wegspringstreep):

  • Tarzandraai (1)
  • Gerlach-draai (2)
  • Hugenholtzdraai (3)
  • Hunzerug (4)
  • Rob Slotemakerdraai (5)
  • Naamlose draai (6)
  • Scheivlak (7)
  • Meestersdraai (voorheen Marlborodraai) (8)
  • Naamlose draai (voorheen Renaultdraai) (9)
  • CM.com-draai (voorheen die Vodafone) (10)
  • Hans Ernstdraai 1 en Hans Ernstdraai 2 (voorheen Audi S-draai) (11 + 12)
  • Naamlose draai (voorheen Kumhodraai) (13)
  • Arie Luyendijkdraai (voorheen Bosuit) (14)

Die hoogteverskil oor die baan is 7,92 meter.

Verwysings wysig

  1. "Circuit Park Zandvoort, The Netherlands". a1gp.com. Geargiveer vanaf die oorspronklike op 18 Oktober 2019. Besoek op 1 November 2009.