Wikipedia

BMW

BMW (kort vir Bayerische Motoren Werke AG) is 'n Duitse maatskappy wat weelde- en sportmotors, asook kragtige motorfietse vervaardig.[2] Hulle hoofkantoor is in München. BMW besit BMW Mini en Rolls-Royce. Hulle het voorheen ook vir Rover besit.

Bayerische Motoren Werke Aktiengesellschaft
BMW.svg
Tipe Aandelemaatskappy
Gestig 7 Maart 1916
Hoofkantoor München, Vlag van Duitsland Duitsland
SleutelpersoneNorbert Reithofer (hoof uitvoerende beampte)
Joachim Milberg (voorsitter van die Raad)
Gebied bedienWêreldwyd
IndustrieMotorvervaardiger
ProdukteMotorvoertuie
Inkomste76 058 miljoen €[1] (2013)
Bedryfsinkomste138 368 miljoen €[1] (31 Desember 2013)
Netto inkomste5 340 miljoen €[1] (31 Desember 2013)
Werknemers110 351[1] (31 Desember 2013)
Webwerfbmwgroup.com
Die hoofkwartier van BMW, sy hoofaanleg en die BMW Wêreld-gebou in München

Hulle huidige slagspreuk in die Verenigde Koninkryk is "The Ultimate Driving Machine", terwyl dit in Suid-Afrika en die VSA "Sheer Driving Pleasure" is. In Afrikaans is die slagspreuk "Loutere bestuursgenot".

BMW se kompetisie sluit in Alfa Romeo, Audi, Lexus, Mercedes-Benz, Volvo en Porsche.

GeskiedenisWysig

BMW is gestig in 1913 naby München. Die vervaardiger het gespesialiseer om vliegtuigenjins te bou en dit is ook waarvandaan die wapen van die vervaardiger afkomstig is. Dit stel die draaiende skroef van 'n vliegtuig voor.

Stand in motorbedryfWysig

BMW het gedurende 2006 amptelik die grootste vervaardiger van luukse motors in die wêreld geword.

KontroversieWysig

OntwerpWysig

Tydens die vroeë 2000's het BMW 'n nuwe ontwerphoof, Christopher Bangle, aangestel. Sy ontwerpe het onder die spervuur gekom, en die media het na die nuwe ontwerpe verwys as "Bangled" of "Bangle-ized". Die ontwerpe was heelwat meer gegolf, maar ten spyte van kritiek het hulle verkope bly styg.

KunsWysig

Ook in 2000, het kunstenaars en BMW onder spervuur gekom as gevolg van 'n kunsuitstalling gehou te München met die naam "Dream City" ("Droomstad"). Twee van die kunstenaars, Swetlana Heger en Plamen Dejanov, het hulle uitstalspasie gebruik om BMW's te adverteer. Dit het die belangrike bespreking oor die verhouding tussen kuns en nywerheid ontlok.

Produksie buite DuitslandWysig

BMW produseer motors en motorfietse in Spartanburg, Suid-Carolina. Dit lewer meer as 500 motors daagliks en het 4 700 werknemers.

In Suid-Afrika het BMW 'n moderne fabriek in Rosslyn, noord van Pretoria, en 70% van die motors wat hier vervaardig word, word uitgevoer na die VSA, Japan, Australië, Afrika en die Midde-Ooste. In die vroeë 1990's het BMW R1 miljard in die Rosslyn-fabriek belê.

Sedert 2004 word BMW's ook in Shenyang, China vervaardig.

Modelle – MotorsWysig

Die huidige BMW motormodelle word verdeel in verskillende "Reekse", byvoorbeeld 3 Reeks.

1-reeksWysig

'n Klein motor, die enigste agterwielaangedrewe voertuig in sy klas, wat in 2004 vrygestel is in Europa en in die VSA in 2006.

3-reeksWysig

Die opvolger van die 2002, 'n kompakte sedan van die vyfde geslag (E90), vrygestel in 2006.

5-reeksWysig

'n Mediumgrootte sedan.

6-reeksWysig

Die afslaankapweergawe van die 5-reeks.

7-reeksWysig

'n Luukse volgroottevoertuig in kompetisie met die Mercedes-Benz S-klas. Ook beskikbaar in 'n koeëlvaste weergawe.

X3Wysig

'n Klein SNV met klem op bekostigbaarheid.

X5Wysig

BMW se eerste SNV, in kompetisie met die Porsche Cayenne, Land Rover Range Rover en Mercedes-Benz M-klas.

Z4Wysig

'n Tweesitplekvoertuig, ook beskikbaar in afslaankap.

Modelle – MotorfietseWysig

 
BMW F 650 GS Dakar

Die huidige BMW motorfietsmodelle word in verskillende "reekse", byvoorbeeld R-reeks, verdeel.

F-reeksWysig

Hierdie reeks bestaan uit die F650-reeks wat 'n veeldoelfiets is, asook die nuwe F800-reeks wat tans slegs vir padgebruik bedoel is. beide die reekse gebruik Rotax-enjins wat in samewerking met BMW ontwikkel is. Die F800 reeks is in 2006 vrygestel.

R-reeksWysig

Die reeks bestaan uit 'n groot hoeveelheid modelle wat bykans alle aanwendingsvelde insluit. Al die fietse in die reeks word aangedryf deur BMW se plattweesilinder- of bokserenjins. Een van die mees gewilde fietse in die reeks is die GS (Gelande Strasse) model wat vir veeldoelgebruik bedoel is.

K-reeksWysig

Die K-reeks bestaan uit fietse met inlynviersilinderenjins, en dit is dan ook die BMW-fietse met die beste werkverrigting. Die nuwe K1200 wat in 2005 vrygestel is het onder andere die landspoedrekord op die soutpanne in Amerika verbeter.

KultuurWysig

Die term "beemer" se oorsprong is vanaf die uitspraak van die afkorting "BMW". In Suid-Afrika het Johannes Kerkorrel die bekende lied "BMW" gesing.

GemeenskapWysig

BMW het 'n hegte en lojale gevolg deur entoesiaste. Die volgende webwerwe is voorbeelde hiervan: E46fanatics.com, M3forums.com, E90post.com, BimmerPortal.com, en bimmerforums.com.

Sedert 1999 het BMW-entoesiaste bymekaar gekom in Santa Barbara, Kalifornië om die "Bimmerfest" by te woon; meer as 3000 mense het dit bygewoon in 2006 met meer as 1000 voertuie.

BMW motorfiets eienaars kom elke jaar bymekaar tydens in geleentheid in SA wat die ABBG (annual BMW Bikers gathering) genoem word.

VerwysingsWysig

  1. ↑ 1,0 1,1 1,2 1,3 (de) bmwgroup.com: Geschäftsbericht 2013, besoek op 12 April 2014.
  2. ↑ HAT Taal-en-feitegids, Pearson, Desember 2013, ISBN 978-1-77578-243-8

Eksterne skakelsWysig

Ontsluit van "https://af.wikipedia.org/w/index.php?title=BMW&oldid=2162982"