Suurberge
Die Suurberge (voorheen Zuurberg) is 'n bergreeks in die suidelike Sarah Baartman-distriksmunisipaliteit van die Oos-Kaap, Suid-Afrika. Die reeks is sowat 70 kilometer lank van wes na oos, en vorm die oostelike eindpunt van die Kaapse Plooigordel. Die nedersettings Kirkwood en Bontrug (in die Sondagsriviervallei), asook Paterson verder oos is almal aan die suidelike voet van die berg geleë.[1] Die ruwe bergterrein word deur etlike klowe en rante deurkruis, en die hoogte wissel van sowat 200 m in die suidelike voetheuwels tot 'n maksimum van 936 m bo seevlak. Die suidhange word deur verskillende systrome van die Sondagsrivier gedreineer, waaronder die Kabouga-, Uie-, Wit- en Kromriviere.[1] Twee passe steek die berg van suid na noord oor, naamlik die Suurbergpas en Olifantskoppas.
Die Suurbergkussingbos en Suurbergbroodboom is endemies aan die algemene omgewing.
Verwysings wysig
- ↑ 1,0 1,1 Walton, Christopher (red.); O'Hagan, Tim (1984). Reader's Digest Atlas of Southern Africa. Kaapstad: Reader's Digest Association South Africa. pp. 94, 96. ISBN 0-947-008-02-0.