É (tempel)

Wikimedia lysartikel

É (Wigskrif: 𒂍)[1] is die Sumeriese woord of simbool vir "huis" of "tempel".

Die Nieu-Assiriese vorm van die É-teken.
Cuneform UZ.svg
Hierdie bladsy bevat wigskrif. Sonder die regte lettertipe sal jy blokkies of snaakse tekens sien. Jy kan die regte lettertipe hier kry.

Die Sumeriese term É.GAL ("paleis", letterlik "groot huis") het ’n stad se hoofgebou aangedui. É.LUGAL ("koningshuis") is as ’n sinoniem gebruik. In die tekste van Lagasj is die É.GAL die sentrum van die ensi se administrasie in die stad en die plek van die stadsargief.[2]

Die Sumeriese woord É.GAL vir "paleis" is die waarskynlike etimologie van Semitiese woorde vir "paleis" of "tempel", soos die Hebreeuse היכל (heichal)[3] en die Arabiese هيكل (haikal). Die oorsprong van die woord É kon dus iets soos *hai of *ˀai gewees het.

’n Paar tempelnameWysig

  • E-ab-lua (Huis met wemelende beeste), ’n tempel vir Suen in Urum
  • E-ab-shaga-la (Huis wat oor die middel van die see strek), vir Ninmarki in Gu-aba
  • E-abzu (tempel van die ondergrondse waters), vir Enki in Eridu
  • E-ad-da, ’n tempel vir Enlil
  • E-am-kur-kurra (Tempel van die god van die lande), vir Bel in Assur
  • E-ana (Huis van die hemel), vir Inanna in Uruk
  • E-an-ki (Tempel van hemel en aarde)
  • E-a-ra-li (Tempel van die onderwêreld)
  • E-das-dmah (Tempel van die oppergod)
  • E-belit-mati (Tempel vir die moeder van die wêreld)
  • E-de-a (Heiligdom van Enki) wat deur Sargon van Akkad laat bou is
  • E-igi-kalama (Huis wat die oog van die land is), vir Ninurta in Marad
  • E-kish-nu-ngal (Huis wat lig na die aarde stuur), vir Nanna in Ur
  • E-kug-nuna, tempel vir Inanna in Uruk
  • E-kur (bergtempel), vir Enlil in Nippur
  • E-me-ur-ana (Huis wat die goddelike magte van die hemel byeenbring), vir Ninurta in Nippur
  • E-meshlam, ’n tempel vir Nergal
  • E-nun, die abzu in Eridu
  • E-sara (Huis van die heelal), vir Inanna in Uruk
  • E-Tummal (Tummal-huis), vir Ninlil in Nippur

VerwysingsWysig

  1. Die woord is fonologies bloot /e/; die akuut is ’n Assiriologiese aanduiding van die ooreenstemmende wigskrifteken.
  2. Aage Westenholz, Old Sumerian and old Akkadian texts in Philadelphia, vol. 3 van Carsten Niebuhr Institute Publications, vol. 1 van Bibliotheca Mesopotamica, Museum Tusculanum Press, 1987, ISBN 978-87-7289-008-1,p. 96
  3. The New Brown-Driver-Briggs-Gesenius Hebrew-English Lexicon deur Francis Brown et al. (ISBN 0-913573-20-5), p. 228

BronneWysig