Sargon van Akkad
Sargon van Akkad, ook bekend as Sargon die Grote (Akkadies: Šarru-kīnu, "die ware/wettige koning"),[1] was ’n Semitiese Akkadiese keiser wat bekend is vir sy verowering van die Sumeriese stadstaat Argon in die 24ste en 23ste eeu v.C. Hy was die stigter van die Akkad-dinastie en het in die tweede laaste kwart van die 3de millennium v.C. regeer.
| Sargon van Akkad | |
|---|---|
| Koning van Akkadië, Kisj, Lagasj, Umma en Uruk, opperheer van Sumer, Elam, Mari en Jarmut | |
| |
| Dinastie | Huis van Sargon |
| Bewind | c. 2334–2279 v.C. |
| Volle naam | Šarru-kin ("die ware/wettige koning") |
| Gebore | Onbekende datum |
| Azupiranu | |
| Gesterf | 2279 v.C. |
| Akkad, Mesopotamië | |
| Opvolger | Rimush |
| Gade van | Tashlultum |
| Kinders | Enheduanna, Rimush, Manishtushu, Ibarum, Abaish-Takal |
Volgens wigskrifbronne was hy die skinker van koning Ur-Zababa van Kisj. Hy het die koning volgens latere bronne vermoedelik vermoor en sy bewind oorgeneem voordat hy probeer het om die hele Mesopotamië te verower. Hy is aanvanklik "Sargon I" genoem, maar latere rekords het getoon daar was ook ’n Assiriese koning met die naam Sargon (na wie gewoonlik as Sargon I verwys word).[2]
Daar word geglo dat Sargon se ryk groot dele van Mesopotamië ingesluit het wat onder meer dele van die hedendaagse Iran, Klein-Asië en Sirië was. Sy hoofstad was die nuwe, maar tot nog toe onontdekte Akkad, wat hy volgens die Sumeriese Koningslys óf laat bou óf laat restoureer het.[3] Hy word soms beskou as die eerste persoon in die bekende geskiedenis wat ’n multi-etniese, sentraal regeerde ryk geskep het, hoewel dié eer ook die Sumeriese Lugal-zage-si kan toekom. Sy dinastie het Mesopotamië sowat een en ’n half eeu lank beheer.[4]
VerwysingsWysig
- ↑ Chavalas 2006
- ↑ Bromiley, Geoffrey (31 Desember 1996). The international standard Bible encyclopedia (Revised uitg.). William B Eerdmans. ISBN 978-0-8028-3784-4.
- ↑ Kramer 1963: 60–61
- ↑ Van de Mieroop 2006: 63
Bronne en skakelsWysig
- Chavalas, Mark William (29 Jun. 2006). The ancient Near East: historical sources in translation. Wiley-Blackwell. p. 23. ISBN 978-0-631-23580-4.
- Kramer, S. Noah. The Sumerians: Their History, Culture and Character, Chicago, 1963.
- Van de Mieroop, Marc. A History of the Ancient Near East: ca. 3000–323 BC. Blackwell, 2006, ISBN 978-1-4051-4911-2.
Hierdie artikel is vertaal uit die Engelse Wikipedia
