2009 ADSL-prysoorlog in Suid-Afrika
Die 2009 ADSL-prysoorlog in Suid-Afrika is 'n prysoorlog wat laat in 2009 begin het toe 'n paar internetdiensverskaffers skielik die pryse van hul produkte drasties verlaag het. Die oorlog is begin nadat Afrihost die mark verras het met hul aanbieding van R29 per gigagreep vir internettoegang vir tuisgebruikers.
Volgens Gian Visser, hoof- uitvoerende beampte (HUB) van Afrihost, was die grootste katalisator vir hierdie skielike verlaging van markpryse die ingebruikneming van die ondersese optieseveselkabel SEACOM in 2009, wat tot 'n toename in Suid-Afrika se internasionale bandwydte gelei het. Dit het weer laer internasionale bandwydtepryse tot gevolg gehad, wat internetdiensverskaffers aan eindgebruikers kon oordra.[1]
Axxess, Web Africa en G-Connect het kort ná Afrihost gereageer met hul eie prysverlagings.[2]
