9de Dinastie van Egipte
Die 9de Dinastie van Antieke Egipte (ook Dinastie IX geskryf) het geheers tydens ’n verwarrende periode bekend as die Eerste Oorgangstydperk. Dié tydperk het van die 7de tot die einde van die 10de Dinastie (of die 11de Dinastie in Thebe) geduur.
Die 9de en die 10de Dinastie het van omstreeks 2160 tot 2025 v.C. geduur.[1] Die dinastie is taamlik obskuur. Die oorname van die bewind van die 8ste Dinastie deur die leiers van Herakleopolis Magna was gewelddadig, en Manetho beskryf die stigter van die dinastie as "verskrikliker as sy voorgangers", wat bose dinge vir dié in die hele Egipte bewerkstellig het".
Heersers wysig
Die 9de Dinastie is gestig in Herakleopolis Magna en die 10de Dinastie is daar voortgesit. Egipte was nie in dié tyd verenig nie en daar is ’n oorvleueling tussen dié en ander plaaslike dinastieë. Die Turynse Koningslys noem 18 name van konings, maar hul name is beskadig, onidentifiseerbaar of verlore.[2]
Die volgende lys bevat die moontlike heersers van die 9de Dinastie, gebaseer op die Turynse Koningslys. Van hulle kon net Meryibre Chety en Nebkaoere Chety sonder twyfel bevestig word deur argeologiese vondste.
 Farao
|
 Notas
| ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| Meryibre Chety I | Manetho se Achthoes. | ||||||||||||||||||
| [naam verlore] | |||||||||||||||||||
| Neferkare | Kan die Kaneferre wees wat deur die nomarg Anchtifi genoem word. | ||||||||||||||||||
| Nebkaoere Chety II | |||||||||||||||||||
| Setoet | |||||||||||||||||||
| [naam verlore] | |||||||||||||||||||
| Mery[...] | |||||||||||||||||||
| Sjed[...] | |||||||||||||||||||
| H[...] | |||||||||||||||||||
| [drie name verlore] | |||||||||||||||||||
| Oeser(?)[...] | |||||||||||||||||||
Verwysings wysig
- ↑ Shaw, Ian, red. (2000). The Oxford History of Ancient Egypt. Oxford University Press. p. 480. ISBN 0-19-815034-2.
- ↑ Alan Gardiner, Egypt of the Pharaohs, Oxford University Press, 1961, pp. 112-13.
Wikimedia Commons het meer media in die kategorie 9de Dinastie van Egipte.
| Voorafgegaan deur ← 8ste Dinastie |
9de Dinastie | Opgevolg deur 10de Dinastie → |