Aérospatiale Alouette II
Die Aérospatiale Alouette II (Franse uitspraak: [alwɛt], Engels: Lark) is 'n ligte helikopter oorspronklik vervaardig deur Sud Aviation en later deur Aérospatiale, albei van Frankryk. Die Alouette II was die eerste produksiehelikopter om 'n gasturbine-enjin in plaas van die konvensionele swaarder suierkragbron te gebruik.
| Aérospatiale Alouette II | |
|---|---|
 | |
| 'n Wes-Duitse Alouette II-helikopter patrolleer die grens met Oos-Duitsland, 1985 | |
| Tipe | ligte helikopter |
| Vervaardiger | Sud Aviation / Aérospatiale |
| Nooiensvlug | 12 Maart 1955 |
| Bekendstelling | 2 Mei 1957 |
| Status | Beperkte diens |
| Hoofgebruiker | Tunisiese Lugmag Koninklike Kambodjaanse Lugmag Pakistanse Leër |
| Vervaardig | 1956–1975 |
| Aantal gebou | 1 300+ |
| Ontwikkel van | Aérospatiale SA 315B Lama |
| Weergawes | Aérospatiale Alouette III |
Die Alouette II is meestal gebruik vir militêre doeleindes in waarneming, fotografie, lug-see-redding, skakeling en opleiding, maar dit het ook oor anti-tenkmissiele en volgtorpedos beskik. As 'n burgerlike helikopter is dit gebruik vir ongevalle-ontruiming (met twee eksterne draagbaarpanniers), gewasbespuiting en as 'n vlieënde hyskraan, met 'n 500 kilogram (1 100 lb) eksterne drakrag.
In April 1956 is die eerste produksie Alouette II voltooi, wat dit die eerste produksie turbine-aangedrewe helikopter in die wêreld maak.[1] Na voltooiing is 'n paar van die aanvanklike produksiemodelle gestuur vir 'n reeks evalueringsvlugte in die Alpe.[1] Op 13 Junie 1958 het 'n enkele SE 3130, gevlieg deur Boulet, die rekord herower deur 'n hoogte van 10 984 m (36 027 vt) te bereik.[2][3][4] In 1975 is die produksie van die Alouette II gestaak ná meer as 1300 gebou is; en in 1969 is 'n nuwe hoë-hoogte variant, die Aérospatiale SA 315B Lama ontwikkel om dit te vervang in hierdie niskapasiteit.[1]
Operasionele geskiedenis wysig
Die Alouette II het die nuus gehaal op 3 Julie 1956, toe dit die eerste helikopter geword het om 'n bergredding uit te voer deur 'n bergklimmer te red wat 'n hartaanval gekry het op meer as 4000 m (13 000 vt), en weer op 3 Januarie 1957 toe die hulp van 'n Alouette II ingeroep is om die bemanning te red van 'n neergestorte Sikorsky S-58, wat op soek was na die vermiste bergklimmers Jean Vincendon en François Henry op Mont Blanc.[1]
Die Alouette II se plaaslike sertifikaat van lugwaardigheid is op 2 Mei 1957 uitgereik.
Die produksie het aanvanklik begin ter vervulling van bestellings van Franse militêre en burgerlike kliënte. Dit was die eerste helikopter wêreldwyd om toegerus te word met anti-tenk ammunisie (Nord SS.11s),[5] en teen die tyd dat produksie gestaak is in 1975, is oor die 1 300 Alouette IIs gebou en in gebruik geneem in meer as 80 lande, insluitend 47 gewapende magte. Dit is onder lisensie geproduseer in Brasilië, Swede, Indië en die Verenigde State van Amerika. Indië se Hindustan Aeronautics Limited SA 315B Lamas, genoem die "Cheetah", is gereeld ontplooi teen 7 500 meter (24 600 vt) om vorentoe waarnemingsposte en lugmagbasisse van die Indiese Lugmag in die Himalajas te besoek.
-
SE 313 Alouette II van die Franse Leër. -
'n Aérospatiale SA 318 BW Alouette II van die Duitse Weermag. -
Alouette II van die Portugese Lugmag.
Verwysings wysig
- ↑ 1,0 1,1 1,2 1,3 ""1955: SE3130 "Alouette II"."". Geargiveer vanaf die oorspronklike op 22 Desember 2015. Besoek op 16 November 2016.
- ↑ "History of Rotorcraft World Records, Sub-class:E-1 (Helicopters), Category:General, Group 2:turbine".
- ↑ "FAI Record ID #9874 - Altitude without payload. Geargiveer 17 Desember 2014 op Wayback Machine
- ↑ Taylor 1966, bl. 2.
- ↑ Helicopters at War - Blitz Editions, bl. 63, ISBN 1-85605-345-8
Eksterne skakels wysig
Wikimedia Commons het meer media in die kategorie Aérospatiale Alouette II.
