Maak hoofkeuseskerm oop
Ligging van die Himalajagebergte
Kaart van die Himalajagebergte
Lugfoto van die Himalajagebergte
Nasa-Satellietbeeld van die bergreeks

Die Himalaja (Sanskrit: हिमालय; Nepalees: हिमालय; Oerdoe: ہمالیہ‎; van Sanskrit hima ("sneeu") en ālaya ("woning"), letterlik "tuiste van die sneeu"[1]) is 'n bergreeks in Suid-Asië, wat die Indo-Ganges-plein van die Tibetaanse plato skei. Dit lê uitgestrek van Pakistan oor Indië, Nepal, Tibet (Volksrepubliek China) en Bhoetan.[2]

Inhoud

PiekeWysig

Die Himalajaberge is 2 400 km lank en tussen 150 en 280 km breed. Die wêreld se 14 hoogste bergpieke is in die gebergte geleë: Berg Everest, K2, Kangchenjunga, Lhotse, Makalu, Cho Oyu, Dhaulagiri, Manaslu, Nanga Parbat, Annapurna, Gasherbrum I, Broad Peak, Gasherbrum II en Shishapangma. Berg Everest is die hoogste bergtop op aarde met 'n hoogte van 8 848 meter.

In werklikheid bestaan die bergreeks uit drie hoofreekse wat soos 'n magtige vesting oor Noord-Indië troon. Die bewoners van die streek noem die berge "die tuiste van die sneeu", want die meeste van die berge is hoër as 5 400 m en dus dwarsdeur die jaar met sneeu bedek. Meer as 100 van die pieke is hoër as 6 000 m, meer as 30 is hoër as 7 000 m en veertien is hoër as 8 000 m.

RiviereWysig

Drie van die wêreld se grootste riviere ontspring in die Himalaja: Brahmaputra, Ganges en Indus. Die massiewe Himalaja-bergreeks strek in 'n halfmaan oor 'n gebied van 3 250 km tussen die bolope van die Indus- en Brahmaputrariviere in Indië.

Die Himalaja het ontstaan deur die botsing van die Indiese subkontinent met die Eurasiese plat.[3] Die Himalaja-bergreeks vorm deel van die "Dak van die Wêreld", die reusagtige hooglandgebied wat die Karakoram- en Pamir-bergreekse insluit.

VerwysingsWysig

  1. (en) "Definition of Himalayas". Oxford Dictionaries Online. Besoek op 31 Mei 2015. 
  2. (en) Bishop, Barry. "Himalayas (mountains, Asia)". Encyclopædia Britannica. Besoek op 31 Mei 2015. 
  3. (en) "The Himalayas: Two continents collide". USGS. 5 Mei 1999. Besoek op 31 Mei 2015. 

BronnelysWysig

Eksterne skakelsWysig